Oltin-piritli

II.1.Piritning flotatsiyalanish xususiyatlari
Pirit yoki oltingugurtli kolchedan barcha sulfidli rudalar tarkibida keng tarqalgan sulfidli mineral hisoblanadi. U asosan kolchedan rudalarda va kelib chiqishi gidrotermal konlarda uchraydi. Pirit tarkibida asosan ko’p uchraydigan qo’shimchalar kobalt, nikel va mishyak, bundan tashqari oltin, mis, kumush, surma, rux va marganets ham uchraydi. Pirit konlarda asosan donador massa, vaqti vaqti bilan esa latunsimon sariq rangda uchraydi. Pirit yaxshi yarimo’tkazgich hisoblanadi.
Pirit ksantogenatlar bilan va ditiofosfatlar bilan yaxshi flotatsiyalanadi (neytral muhitda). Ishqoriy muhitda yomon flotatsiyalanadi. Pirit ohakbilan yaxshi tazyiqlanadi, pH-7 dan katta bo’lganda sianid tuzlari bilan ham yaxshi tazyiqlanadi.
Pirrotin qiyin flotatsiyalanuvchi mineral hisoblanadi. Pirrotin kislotali muhitda ksantogenatlar bilan yaxshi flotatsiyalanadi. Markazit esa pirit singari ksantogenatlar bilan va ditiofosfatlar bilan yaxshi flotatsiyalanadi.
Mis-piritli rudalarni boyitishning texnologik sxemasi rudaning turiga, mis minerallari va puch tog’ jinslari tarkibiga, o’lchamiga, piritning flotatsiyalanish faolligiga va shlamlanishiga bog’liq. Bu omillar orqali texnologik sxema necha bosqichdan iborat bo’lishi, kollektiv-selektiv sxema bilan yoki to’g’ri boyitish sxemasi bilan boyitish kerakligi aniqlanadi. Ishlab chiqarish unumdorligi katta bo’lmagan va yengil flotyatsiyalanuvchi mis rudalari uchun bir bosqichli texnologik sxema tavsiya etiladi.

III-Bo’lim Oltin-piritli rudalarini boyitish fabrikalari.
III.1. Oltin rudasini boyitish fabrikalari
O’zbekistonda 60-yillarda oltin qazib olish sanoati bunyod etildi. Muruntov, Chodak, Konbuloq oltin konlari, Farg’ona vodiysidagi daryo o’zanlaridan sochma oltin, Nurota, Qurama, Zarafshon, Hisor, Pomir tog’larida oltin tarkibli kvars tomirlari va rudalar mavjudligi aniqlandi. Oltin qazib oluvchi Muruntov tog’ boyitish kombinati, Marjonbuloq konbinati qurildi. “O’zbek oltin” birlashmasi tuzilgach, uning tarkibida Chodak boyitish kombinati (1965), Angrenda oltin saralash fabrikasi qurib ishga tushirildi.