Oltin-piritli

Olmaliq mis boyitish fabrikasi
Olmaliq mis boyitish fabrikasi 1961- yilda ishga tushirilgan bo’lib, unda Qalmoqir va Sarri-Cho’qqi konlarining sulfidli va aralash mis-molibdenli rudalari boyitiladi. Sulfidli ruda xalkopirit va xalkozindan iborat bo’lib, uning tarkibida pirit, magnitet, pirrotin, galinet va sfalerit uchraydi
Ruda sharli tegirmonlarda yanchiladi va tegirmonga molibdenning yig’uvchi reagenti sifatida vyeretin moyi qo’shiladi. Yig’uvchi reagent sifatida butyl va izopropil ksantogenati (4,5 g/t ) aralashmasi, oksidlangan minerallarni sulfidlash maqsadida natriy sulfidi (21 g/t ) qo’shiladi. Asosiy kollektiv flotatsiyaga natriy sulfidi tuzi (25 g/t ) va yig’uvchi reagent aralashmasi (10 g/t va 2,5 g/t ) qo’shiladi. Fabrikadagi seksiyalardan birida chiqindi qum va shlamlar ajratilib, avvalgi rejim bo’yicha alohida siklda boyitiladi. Nazorat flotatsiyasidan keyin ( bu jarayon natriy sulfidi - 8g/t, yig’uvchi reagent -1,5 g/t qo’shiladi) chiqindi olinadi, boyitmalar qo’shilib tozalash jarayoniga jo’natiladi. Ikkinchi tozalash jarayonidan keyin (piritni cho’ktirish uchun 500 – 800 g/m³ oxak qo’shiladi ) kollektiv mis – molibden boyitmasi olinadi. Uning tarkibida 18% mis, 0,16 %gacha molibden bo’lib, misning boyitmaga ajralishi 83 – 85 %, molibdenning ajralishi esa 70 -75 % ni tashkil etadi.
Kolletiv boyitma quyiltirilgach, bug’latishga ( 40 – 60 daqiqa davomida ) jo’natiladi ( 75 -85 ⁰C gacha ) va natriy sulfidi bilan aralashtiriladi (17g/t). Bu jarayonga oxak ( 200- 300 g/t ) qo’shiladi va olingan boyitma seleksiyaga jo’natiladi. Asosiy flotatsiyaga natriy sulfidi ( 44g/t ) va vyereten moyi ( 3g/t ) qo’shiladi. Asosiy flatatsiyada harorat ( 85-90 ^oC bo’lganligi sababli, natriy sulfidini sarfi kamayadi. Tozalash jarayonidan keyin 18-20 % li mis boyitmasi ( ajralishi 83-85 %), va tarkibida 40% gacha molibden bo’lgan oraliq mahsulot olinadi (ajralishi 55-60% ). Yanchish jarayonidan so’ng ajratib olingan oltin tarkibli gravitatsion boyitma cho’ktirish mashinasida va boyitish stolida boyitilib, chiqindisi qo’shimcha yanchilgach flotatsiya jarayoniga jo’natiladi. Olingan flatatsion boyitma sianidlashga, gravitatsion boyitma esa amalgamatsiyaga jo’natiladi.