Oliy va o‘rta maxsus ta’lim vazirligi o‘zbekiston milliy universiteti

3-mavzu. Milliy qadriyatlar – millat iftixori

Otalar so‘zidir biz uchun meros, Otalar so‘zining nafi beqiyos.

 O‘qish uchun material

O‘lmas qadriyatlar

Har bir taraqqiy etgan, madaniyatli xalqning o‘z tili, urf-odati, moddiy va ma’naviy boyliklari bor. O‘zbek xalqi ham dunyodagi eng qadimiy madaniyatga ega bo‘lgan xalqlardan biri sifatida o‘zining ma’naviy va moddiy xazinasiga ega. O‘tmish ajdodlarimizdan bizga qadimiy urf-odatlar, an’analar xalqona meros bo‘lib avloddan-avlodga o‘tib kelgan. Bu bilan biz xaqli ravishda faxrlansak arziydi. O‘zbekiston mustaqillikka erishgandan so‘ng milliy urf-odatlarimizning tiklanishi istiqlolimizning buyuk ne’matidir, chunki milliy urf-odatlarimiz qadriyatlarimiz negizidir.

Urf-odatlarda insonning chin inson bo‘lib yashamog‘i uchun barcha narsalar keng qamrab olinganki, unda turmush tarzi, yashash odobi, muomala madaniyati, insonlarga munosabat, ota-onaga hurmat kabilar o‘z aksini topgan. Urf-odatlar to yaqingacha o‘z davrining qonuni vazifasini bajargan. Biz ota - bobolarimiz amal qilib kelgan milliy, ma’rifiy, madaniy, diniy urf -odatlarni avaylab-asrab, kelajak avlodga mukammal ravishda in’om etmog‘imiz lozim.
Milliy qadriyat – ma’naviy boylik

Qadriyat atamasi keng bo‘lib, voqelikdagi hodisalarning ijtimoiy va madaniy ahamiyatini ifodalash uchun ishlatiladi. U inson faoliyatidagi rang-barang narsalar, tabiat hodisalari, qadriy munosabatlar uchun manba sifatida namoyon bo‘lishi mumkin. U insonning kundalik hayotida, ongining shakllanishida muhim ahamiyatga egadir. Qadriyatlar mazmuni xilma-xil turga bo‘linib, turmushning barcha tomonlarini qamrab olgan. Bir guruh olimlarning fikriga ko‘ra, ular “hayot qadriyatlari” va “madaniyat qadriyatlari”dan iborat.

Ikkinchi guruhdagilar esa madaniyatning an’anaviy bo‘linishiga asoslanib, qadriyatlarni ham “moddiy” va “ma’naviy” tarzda tasnif etadilar. Uchinchi guruh olimlar qadriyatlarni “moddiy” va “ma’naviy” va “ijtimoiy-siyosiy” turlarga ajratishadi.Yoshlarni ma’naviy shakllantirishda ikkinchi guruh tasnifiga asoslanish maqsadga muvofiq, chunki hozirgi jamiyat talabiga javob beruvchi yoshlarda har ikkala guruhga xos qadriy sifatlar mujassam bo‘lmog‘i lozim.

Topshiriq. Guruhlarga bo‘linib “Assesment” texnologiyasi bo‘yicha topshiriqlarni bajaring.
“ASSESMENT” TEXNOLIGIYASI

TEST Qadriyat nima? milliy urf-odatlar milliy bayramlar xalq dostonlari barcha javoblar to‘g‘ri