Oliy va o‘rta maxsus ta’lim vazirligi boshlang‘ICh professional ta’limning

O‘quv dasturi umumiy talablari

Dastur nomi	Umumiy ovqatlanish korxonalarida sanitariya , gigiena va ovqatlanish fiziologiyasi.
Ajratilgan soat	60
Mavzular soni	30
Dasturning maqsadi	Professional ta’lim tizimida kasb –hunar ta’limi “Umumiy ovqatlanish korxonalarida sanitariya , gigiena va ovqatlanish fiziologiyasi ” dasturi milliy va xorijiy taom tayyorlash sohasida sanitariya va gigiena talablari va qoidalaridagi tajribalariga asoslangan holda tuzilgan bo‘lib, yangi pedagogik tafakkur asosida o‘quvchilarga ta’lim berishni o‘z oldiga maqsad qilib qo‘ygan. Tuzilgan “Umumiy ovqatlanish korxonalarida sanitariya , gigiena va ovqatlanish fiziologiyasi” fani «Oshpaz» kasbi bo‘yicha ta’lim oluvchi talabalarga mo‘ljallangan. “Umumiy ovqatlanish korxonalarida sanitariya va gigiena” fani dasturining maqsad va vazifasi o‘quvchilarning sifatli pazandachilik mahsulotlari tayyorlash texnologiyasi jarayonlalarni o‘rgatishda sanitariya va gigiena talablari va qoidalaridagi .Davlat standartlariga ko‘ra pazandachilik mahsulotlarining sifati uning ishlov berishga va ovqat sifatiga iste’mol qilishga yaroqliligi , iste’molchining salomatligi uchun xavfsiz, mazali taom tayyorlashni o‘rgatishdan iborat. Dasturning ovqatlanish fiziologiyasi asoslari bo’limi fiziologiya fanining bir qismi bo‘lib, inson organizmining oziqa moddalarga bo‘lgan ehtiyojini va ovqatning hazm bo‘lishi, organizmga singishini optimal shart-sharoitlarini o‘rganishdan iborat. Ovqatlanish fiziologiyasi pazandalik bilan uzviy bog‘liq bo‘lib, o‘z o‘rnida taomlarni tayyorlash jarayonida ularning ozuqaviy qiymatini oshirish vazifasini qo‘yadi. Kishilarning ovqatlanish fiziologiyasi ularning dasturxon atrofida o‘zini qanday tutishi, iste’mol vositalardan qanday foydalanishigagina emas, balki qancha, qanday va qachon ovqatlanishi yoki oqilona ovqatlanish qoidalariga qanchalik darajada rioya qilishiga tegishli ko‘rsatmalar berish kasbiy fazilatlarni shakllantirish iborat.