Oliy va o‘rta maxsus ta’lim vazirligi andijon davlat universiteti

Magistrlik dissertatsiyasi mavzusining dolzarbligi: Mamlakatimizda faol rivojlanib kelayotgan sport turlaridan biri boks hisoblanadi. Yosh bokschilar sport mahoratining muvaffaqiyatli takomillashuvini ta’minlovchi yo‘llarni izlab topish dolzarb muammolardan bir hisoblanadi. Birinchi bolalarni jismoniy rivojlanish darajalariga muvofiq boks sportiga saralab olishi hamda ularning texnik-taktik mahoratni takomillashtirishga taalluqlidir, chunki tayyorgarlikning bu tomoni bo‘lg‘usi olimpiyachilar zahirasini tashkil etuvchi bokschilar mahoratining eng nozik tomoni hisoblanadi.
Sportda ixtisoslashishning dastlabki bosqichida o‘smir bokschilarning sport va texnik mahorati darajasini oshirishga ko‘maklashadigan samarali yo‘llarni izlab topish, boksdagi eng dolzarb muammolarning biri hisoblanadi. O‘smir bokschilarning zarba harakatlari aniqligini takomillashtirish muhim muasala, Chunki ular tayyorgarligining ushbu tomoni – eng ortda qoluvchi va trenirovka qilinishi qiyin hisoblanadi.
Magistrlik dissertatsiyasining maqsad va vazifalari: boks sportiga bolalarni jismoniy rivojlanishlari, shaxsiy qiziqishlariga muvofiq jalb etish hamda ular bilan dastlabki mutaxassislik sport tayyorgarlik mashg‘ulotlari tashkil etish nazariyasi va amaliyotini tahlil etish. Sportda ixtisoslashishning dastlabki bosqichida bokschilarning taktik va texnik mahorati darajasini takomillashtirish mashg‘ulotlarini tashkil etish jarayonlarini o‘rganish.
Magistrlik dissertatsiyasini tadqiqqot ob’ekti va predmeti: dissertatsiya mavzusi bo‘yicha olib borilgan ilmiy tadqiqot ishlari Andijon viloyat Olimpiya zahiralari kollejida tashkil etildi. Ilmiy tadqiqot ishlarida 20 dan ortiq boks bilan shug‘ullanayotgan yosh sportchilar dastlabki tayyorlov guruhining sport mashg‘ulotlari o‘rganildi. Yosh bokschilarning sport tayyorgarliklari hisoblangan texnik va taktik tayyorgarlik hamda jismony fazilatlarni rivojlantirish jarayonlari tahlil etildi.
Magistrlik dissertatsiyasini xorijda va mahalliy adabiyotlarda o‘rganish darajasi: dissertatsiya mavzusi bo‘yicha olib borilgan ilmiy tadqiqot ishlari xorijda va mamlakatimizda ko‘plab o‘tkazilgan. Shunga qaramay dissertatsiya ishi
talabalar jismoniy tarbiya, sport va sog‘lomlashtirish tadbirlarini rejalashtirish bo‘yicha olib borilgan ilmiy tadqiqot ishlarining ilk namunalaridan biridir.