Оliy vа o‘rtа mахsus tа’lim vаzirligi nizomiy nomidagi toshkent davlat pedagogika universiteti

Yopiq raketka nakati (chap tomondan). Chap tomondan top-spin 
Koptokning harakati xuddi oʻng tomon nakati kabidir. Koptok uchun zarur 
boʻlgan aylanishlar tepaga-oldinga harakatlanish bilan bajariladi. Zarba berish 
ketma-ketligi quyidagichadir: oyoqlar yelka kengligida, biroz bukilgan, chap oyoq 
bir oz oldinga surilgan, tana ogʻirligi ikkala oyoqqa bir maromda boʻlingan. Qoʻl 
bel balandligida tirsakdan bukilgan va orqaga-chapga yoʻnaltirilgan, qoʻlning 
yelkaoldi qismi stol sathiga parallel. Zarba berilganda qoʻlning yelkaoldi qismi 
oldinga tezkor harakatlanadi, raketka koptokka tepadan tegadi, shundan soʻng qoʻl 
erkin holda oʻngga-tepaga qaytadi. Ogʻirlik markazi oʻng oyoqqa oʻtadi, qoʻl 
dastlabki holatga qaytadi.
Chap tomondan top-spin oʻng tomondan top-spinga nisbatan kamroq 
ishlatiladi. Chap tomondan top-spinning an’anaviy turi ishlatilmaydi, bu narsa 
zarbani kuchaytirish zarurati bilan tushuntiriladi, chunki bu holda tepadan 
aylanishdan tashqari yonboshdan aylanish ham sodir boʻladi.
Ochiq raketka podrezkasi (oʻng tomondan)
Ochiq raketka podrezkasini amalga oshirish uchun raketkani koptokka 
tepadan pastga urish zarur. Podrezkadan keyin koptok tepaga koʻtariladi, shuning 
uchun koptok qanchalik tez aylansa, shunchalik uzoqqa uchadi. Podrezka mudofaa 
zarbasi hisoblanadi. Podrezka bilan kelayotgan koptokka zarba berish 
murakkabdir.
Zarbani amalga oshirish
Oʻyinchi dastlabki holatda stolga deyarli toʻgʻri qarab turadi, chap oyoq bir 
oz oldinga surilgan, qoʻl avval orqaga-tepaga, soʻng oldinga-pastga harakatlanadi. 
Raketkaning ochiq tomoni tepaga qaragan holda koptokka zarba berish vaqtida 
qoʻl bir oz bukilgan boʻladi. Zarbadan soʻng raketka koptok ketidan bir oz yuradi, 
soʻng chapga-oldinga-pastga harakatlanadi. Podrezkadagi zarba kuchi koptokning 
qarama-qarshi tezligi va stolgacha boʻlgan masofaga bogʻliq.