Олий ва ўрта махсус таълим вазирлиги ўзбекистон республикаси қишлоқ ХЎжалиги вазирлиги тошкент давлат аграр университети

Микологик экспертизада қўлланиладиган лаборатория жихозлари

Фитопатологик лаборатория таҳлилларини ўтказиш учун махсус

жихозлар, аппаратлар (микроскоп, «Cвитолан» –РС-Про, «Свитолан»-РС-Рефлекс тадқиқот лаборатория комплекси, бинокуляр, лупа СРЛ-6, центрифуга, термостат, қуритиш шкафлари, музлатгич, автоклав, Кох

54
аппарати) зарур. Бундан ташқари майда жихозлардан скалпел, пинцет, нина, микробиологик илгак, қайчи кабилар зарур.

Тадқиқотларни амалга ошириш учун шиша лаборатория жихозларидан: пробиркалар, Петри ликопчалари, ҳар ҳил хажмдаги колбалар зарур бўлади. Шунингдек буюм ва қоплағич ойна, ботиқ ойна, кимёвий стаканлар, ўлчаш цилиндрлари, томизғичлар, пипеткалар, шиша воронкалар, шиша таёқчалар, фарфорли ликопчалар ва банкалар, ҳовончалар, спирт лампаси, тупроқ элакчалари, штативлар, пахта, дока, филтр қоғозлари керак бўлиши керак.

Озуқа ва идишларни стерилизация қилиш

Лаборатория таҳлилида фойдаланиладиган идишларни стерелизация қилишнинг қуйидаги турлари мавжуд: юқори температурада, буғ оқимида, буғ оқимининг босими остида, қуруқ иссиқда, ультрабинафша нурлар ёрдамида.

Стерелизация қилиш учун АВ 1 автоклавидан фойдаланилади. Унинг манометри камерадаги босимни 1,0 кг/cм² кўрсатганда хараорат 120⁰ С ни, 1,5 кг/cм² – 127,8 ⁰ С ни , 2,0 кг/cм² – 133⁰ С ни, 2,5 кг/cм² – 138⁰ С ни ташкил қилади.

Тайёрланган озуқалар албатта стерилизация қилинади. Стерилизация муддатлари ва миқдори озиқанинг таркибига боғлиқ. Бунинг учун лаборатория автоклавларидан фойдаланиб, стерелизация муддатлари 20 -30 минутдан, 1 соатга қадар давом этади. Таркибида глюкоза бўлган озуқалар 112 ⁰ С хароратда 30 минут 0,5 атмосфера босимида стерилизация қилинса, табиий озуқа мухитлари 1 атмосфера босим остида 1 соат стерилизация қилинади.

Соф ҳолдаги турларни сақлашга мўлжалланган озуқа муҳитлари, идишлар, стерилизация қилинган бўлиши шарт. Шиша идишлар

автоклавларда 1 атм босим остида 1 соат давомида, ёки қуритиш шкафларида 160⁰ С да 2 соат давомида стерилизация қилинади. Бунинг учун улар устидан қоғоз билан ўралган бўлиши керак.

55
Пинцет, скалпел, қайчи ва бошқа жихозлар спиртга ботирилиб кейин спиртовка алангасида стерилизация қилинади. Микробиологик илгаклар хам спиртовка алангасида дастлаб ушлайдиган тамони кейин нинаси вертикал холда тутиб турилган холда уч марта қизартирилади.