Олий ва ўрта махсус таҳлим вазирлиги ўзбекистон республикаси қишлоқ хжалиги вазирлиги

29- расм. Жанубий омбор олов ранг куяси: 1— капалаги;2— қурти.
Ҳаёт кечириши. Кўпинча охирги ёшдаги қуртлар диапауза ҳолатида ўргимчак ипига ўхшаш толадан тўқилган ғилофда қишлайди. Қишлаб қолган қуртлар баҳорда апрел ёки ҳатто март ойида ёриқларда, тешикларда, қуруқ меваларда, баoзан қоп чокларида ўргимчак ипига ўхшаш толадан иборат пиллаларда кўплаб ғумбакка айлана бошлайди. Бунда қуртлар ғумбакка айланмасдан илгари баoзан, 2—3 ҳафта давомида тинч ҳолатни ўтади, сўнгра ғумбакка айланади, 7—10 кундан сўнг (ҳарорат 29° бўлганда) ғумбакдан капалак чиқади. Иситиладиган хоналарда капалакни йил бўйи учратиш мумкин. Капалаклар ғумбакдан чиққанидан бир неча соат кейин еркаклари қанотларини тез-тез қоқиб ғарам устида тез югуриб урғочи капалакни қидиради ва уни оталантиради. Оталанган урғочи капалак шу куниёқ тухум қўйишга киришади. Урғочи капалак маҳсулотларга, тар (идиш, қоп) ларга, девор, тешик ва ёриқларга, ойна ва ешик ёнларига тухум қўяди. Ҳар қайси урғочи капалак, ўрта ҳисоб билан 250 дона, кўпи билан 400 донагача тухум қўйиши мумкин. Тухумнинг инкубацион даври 3—6 кунга, қуртнинг ривожланиши еса 45—50 кун давом етади, бироқ ҳарорат ва намликка қараб қурт ривожланиши чўзилиб кетиши, ёки аксинча, 30 кунга қадар қисқариши мумкин. Қурти 5 ёшгача яшайди.
Жанубий омбор олов ранг куя Ўзбекистоннинг жанубида 5 тагача бўғин бериши мумкин.


Какао (дон, уруғ, тамаки) олов ранг куяси (Ерҳестиcаелутелла Ҳб)
МДХ нинг жанубида, хусусан Ўзбекистонда қуруқ меваларнинг, қуритилган сабзавотларнинг жуда хавфли зараркунандаси ҳисобланади. Бу олов ранг куя ҳам жанубий омбор олов ранг куяси зарарлайдиган маҳсулотларни зарарлайди,унинг билан бир жойда учрайди ва келтирадиган зарари жиҳатдан ҳам омбор олов ранг куясидан қолишмайди. (30-расм).
Капалаги қанотини ёзганда 17 мм гача етади. Олдинги қанотлари кул ранг тусда, бу қанотларида бирбиридан узоқ жойлашган оқиш кўндаланг йўллар бўлади. Орқа қанотлари енлик, учбурчак шаклли, оч кул ранг тусда. Олдинги ва орқа қанотларининг ташқи чеккаларида ҳошияси бор.
Тухуми оқиш, овал шаклли, ғовак пўст билан ўралган.
Қурти 12—15 мм гача, кўпинча пушти рангли, жанубий омбор олов ранг куяси қуртига ўхшайди.
Унинг биологияси — умуман жанубий омбор олов ранг куяси биологиясига ўхшайди.