Олий ва ¤рта махсус таълим вазирлиги

Majhul nisbat – fe’l asosga (i)n, (i)l qo`shimchasini qo`shish bilan yasaladi. Bunda ish-harakat kim tomonidan bajarilaganligi noma’lum bo`ladi. vosita bo`luvhi predmet ega vazifasida keladi: Qiz sochini taradi. - Soch taraldi. Yer haydaldi. suv sepildi. Nutq so`zlandi. Sovrin berildi.

O`zlik va majhullik nisbatlari o`timli fe’llarni o`timsiz fe’llarga o`giradi: ko`rdi-ko`rindi, haydadi-haydaldi.

Orttirma nisbat - dir (tir), -t, -sat, -gaz (-kaz,- qaz), -ir, -ar, -iz qo`shimchalari bilan yasaladi. Ish-harakat bajaruvchisi boshqa bir sub’ekt ta’sirida ish-harakatni bajaradi: Topshiriqni bajartirdi. O`qituvchi o`quvchilarga mashqni ishlatdi. Ko`rsat, oldir, o`tkaz, oqiz, tomiz, oshir, chiqar.

Orttirma nisbatning –t qo`shimchasi unli tovush bilan tugagan fe’l asoslariga qo`shiladi: to`qit, qarat, o`qit, bo`shat.

-ir, -ar, -iz qo`shimchalari undosh bilan tugagan bir bo`g`inli fe’llarga qo`shiladi: shoshir, chiqar, toshir, oqiz, tomiz.

-giz, g`iz qo`shimchalari jarangli undosh bilan tugagan fe’l asoslarga, -kiz, -qiz qo`shimchalari esa jarangsiz undosh bilan tugagan fe’l asoslarga qo`shiladi: yutqiz, ketkiz, yurgiz, turg`iz.

Ba’zan fe’l asosiga orttirma nisbat hosil qiluvchi birdan ortiq qo`shimchalar qo`shilishi mumkin: o`qittirmoq, oqizdirmoq, tushirtirmoq.