Олий ва ўрта махсус таълим вазирлиги самарқанд давлат университети ҳузуридаги педагог кадрларни қайта тайёрлаш ва уларнинг малакасини ошириш минтақавий маркази

Битирув ишини тайёрлашда фойдаланилган адабиётлар ва норматив - ҳуқуқий ҳужжатларнинг қисқача ўзаро таҳлили:
Марказий Осиё мутафаккирларининг илмий меросини ўрганиш ХХ асрнинг I ярмида бошланган. Оврўпа олимларидан Карри де Во, Р.Хортен, М.Алонса, Д.М.Донлап, А.Штекл, Т.У.Буур, Б.М.Штреншнейдер, Г.Лей, Р.Хаммонд, Р.де Эрланжер, И.Гольдциер, Ф.Детерици, Г.Фермен, Н.Ришар ва бошқалар алломаларнинг илмий меросини ўрганишга ҳиссаларини қўшдилар. Рус олимлари А.Кримский, М.М.Филиппов. Т.И.Райнов, В.В.Бартольд, С.Н.Григорян, О.В. Трахтенберг, А.В.Сагадеев, А.М.Жохид, Е.Э.Бертельс ва бошқалар мутафаккирлар асарларини ўрганиш борасида кўп ишлар қилдилар. Яқин ва Ўрта Шарқ мамлакатлари олимлари Деххудо, Ҳусайний, ал-Фахурий, Усмон Амин, М.Махди, Саид Нафасий, И.Мадкур, Ражаби Табризий, Меҳрдод, А.Атеш, Ойдин, Умар Фарруҳ, Саидҳусайн Носир, Маҳмуд Аббос, Туркер ва бошқалар алломаларнинг ҳаёти ва ижодини тадқиқ қиладилар⁵.
Марказий Осиё мутафаккирларининг бой илмий меросини ўрганишда, айниқса ўзбек олимларининг ҳиссаси катта бўлди. А.Саъадий, Т.Н.Қори-Ниёзий, И.М.Мўминов, В.Й.Зоҳидов, А.Зоҳидий, М.К.Орипов, Р.Н.Носиров, Ҳ.Алиқулов, О.Файзуллаев, А.Казибердиев, А.Ирисов ва бошқалар бу соҳада самарали меҳнат қилдилар.
Кейинги йилларда Қ.Назаров, С.Каримов, Ш.Қўшоқов, А.Самадов, М.Эргашева ва бошқа олимлар ҳам ушбу йўналишда тақсинга сазовор ишларни амалга оширмоқдалар.
“Ўзбекистон Республиксида илмий фаолият нуфузини ошириш”, “2019-2021 йилларда Ўзбекистон Республикасини инновацион ривожлантириш стратегияси” нинг 3.4. “Таълим тизимини такомиллаштириш ва инсон капиталини ривожлантириш” бандида “Ўқув тарбия жараёнига янги таълим дастурларини, замонавий педагогик технологиялар ва СМАРТ технологияларни жорий этиш орқали таълим муассасаларида ўқитиш сифатини янада яхшилаш (электрон модуллар ташкил этиш ва масофавий ўқитишни ташкил этиш” каби муҳим вазифалар белгиланди.
Битирув ишининг назарий ва амалий аҳамияти:
Битирув ишида келтирилган материаллар “Ўзбек фалсафаси” фанини ўқитишда фаннинг замонавий масалалари, илғор хорижий тажрибалар бўйича маълумотлар йиғиш, фанни ўқитишда замонавий таълим технологияларни тадбиқ этиш, “Ўзбек фалсафаси” фанининг қонун-қоидалари, категорияларини ўқитишда замонавий педагогик технологиялар, дидактик материаллар тайёрлаш ҳамда уларни дарс жараёнига қўллашни режалаштирилиши билан аҳамиятлидир.
Битирув иши тузилмасининг тавсифи:
Битирув иши кириш, икки боб, беш фасл, хулоса ва фойдаланилган адабиётлар рўйҳатидан иборат бўлиб, асосий матн 70 бетни ташкил этади.