Олий ва ўрта махсус таълим вазирлиги мирзо улуғбек номидаги ўзбекистон миллий университети

Умумий экологик назорат органларига:
Олий Мажлис — экологик қонунлар ва ўз қарорларининг бажарилишини назорат қилади.
Президент — экологик хавфсизлик ва давлат экологик назорати хизматларини тузади, уларнинг раҳбарларини тайинлайди ва лавозимларидан озод этади.
Вазирлар Маҳкамаси — экологик қонун ва қонун ости норматив ҳужжатлар, жумладан, дастур, режа ва лойиҳаларнинг бажарилишини назорат қилади.
Маҳаллий давлат ҳокимияти органлари— ўз ваколат доирасида атроф-муҳитни муҳофаза қилиш масалалари бўйича назорат ишларини олиб боради.
Махсус экологик назорат органларига:
Табиатни муҳофаза қилиш давлат қўмитаси — атроф табиий муҳитни­ муҳофаза қилиш, табиий ресурслардан оқилона фойдаланиш ва уларни қайта тиклаш устидан комплекс давлат назоратини амалга оширади.­
Соғлиқни сақлаш вазирлиги — атроф табиий муҳит санитарияси, гигиенаси ва эпидемиологик ҳолати бўйича назоратни олиб боради.
Саноатда ва кончиликда ишларнинг бехатар олиб борилишини назорат­ қилиш инспекцияси — халқ хўжалиги тармоқларида ер ости ва усти минерал­ бойликларидан фойдаланиш ишларини атроф табиий муҳит ҳолатига кескин зарар етказмайдиган қилиб олиб борилишини назорат қилади.
Ички ишлар вазирлиги— жойларда экологик ҳуқуқбузарликларнинг олдини олишга қаратилган профилактик назоратга кўмаклашиш, жамоат жойлари тозалигини назоратлаш, автотранспортдан атмосфера ҳавосининг ифлосланишини ва шовқинланишини назорат қилиш, табиий ва халқ хўжалиги объектларининг ёнҚинга қарши туриш ҳолатини назорат қилади.
Қишлоқ ва сув хўжалиги вазирлиги — қишлоқ хўжалиги ер, сув ва ўрмон фондларидан унумли фойдаланиш ҳамда уларнинг муҳофаза қилинишини назорат қилади.
Ер ресурслари давлат қўмитаси — ердан фойдаланиш ҳамда уни муҳофаза қилиш устидан назоратни ташкил этади ва амалга оширади.
Табиатни муҳофаза қилиш соҳасидаги идоравий назорат —вазирликлар, давлат қўмиталари ва идораларнинг экологик хизматлари ўз тасарруфидаги корхоналар ҳамда ташкилотлар устидан табиатни муҳофаза қилиш соҳасидаги назоратни олиб боради.
«Табиатни муҳофаза қилиш тўғрисида»ги қонуннинг 32-моддасига кўра, ишлаб чиқариш экологик назораткорхона, ташкилот, бирлашма, муассасалардаги экологик хизматни амалга оширади. Бу ўринда қонунда акс эттирилмаган муассасани алоҳида таъкидлаб ўтиш даркор. Чунки таълим соҳаси ёки илмий-тадқиқот муассасаларидатабиий ресурслардан оқилона фойдаланиш, янги турдаги маданий ўсимликлар, химикатлар ва дориларни яратиш, уларни синаб кўриш мобайнида ишлаб чиқариш фаолиятининг экологик талабларга жавоб беришини назорат қилиш ҳам экологик хавфсизликни таъминлашда муҳим аҳамиятга эга.
Табиатни муҳофаза қилиш соҳасидаги жамоат назоратинодавлат ташкилотлари, жамоат бирлашмалари, ўзини ўзи бошқарув органларининг Экологик менежмент ва аудит функциясидан келиб чиқади. Унда экологик назорат — Фуқаролар йиҚини кенгаши, кенгаш қошидаги махсус экологик комиссиялар ёки шахслар, экологик назорат бўлинмалари, меҳнат жамоалари, фаол мутахассислар гуруҳи, жисмоний шахслар томонидан олиб борилади.
Идоравий ишлаб чиқариш ва жамоатларнинг экологик назоратининг ташкил этилиши, фаолият юритиши, ҳуқуқ ва мажбуриятлари тегишли қонун ҳужжатлари ва жамоат назорати тўғрисидаги низомларда берилган бўлади.