Олий ва ўрта махсус таълим

Ўқув фанининг мақсади ва вазифалари

“Физика ва астрономия таълимида таҳлил ва тадқиқот усуллари” фанини ўқитишдан мақсад, магистрантларга педагогик тадқиқотларнинг асосида нима ётиши ҳамда уларнинг асосини қандай фикрлар ва ғоялар ташкил қилиши, магистрлик диссертациясининг мазмуни, тузилиши ва таркиби қандай бўлишини тушунтиришдан иборат.
Фаннинг асосий вазифаси - педагогик тадқиқотларнинг турлари ва улар қандай олиб борилиши ҳамда тадқиқот муваффақиятли бўлиши учун нима ишлар қилиниши кераклиги билан магистрантларни қуроллантиришдан ҳамда уларда керакли малака ва кўникмаларни шакллантиришдан иборат.
“Физика ва астрономия таълимида таҳлил ва тадқиқот усуллари фани “Физика ва астрономия ўқитиш методикаси” мутахассислигида ўқиётган талабалар учун жуда муҳим ҳисобланади. Ушбу фанни ўқиш жараёнида талабаларда илмий-педагогик тадқиқот ишлари нима эканлиги, унинг методологияси, мазмуни ва моҳияти нимадан иборатлигини ҳамда уни олиб бориш малака ва кўникмалари шаклланади. Улар фақатгина магистрлик диссертацияси нима эканлиги ва у қандай ёзилиши билангина танишиб қолмасдан, балки умуман диссертация нима эканлиги, у қандай талабларга жавоб бериши, мавзунинг долзарблиги, мақсади, объекти ва предмети, тадқиқотнинг фарази, назарий ва амалий аҳамияти, тажриба-синов ишларининг нима эканлиги, қандай ёзилиши ва расмийлаштирилиши, адабиётлардан қандай фойдаланиш кераклиги, илмий-методик мақолалар қандай ёзилиши билан батафсил танишади. Натижада уларда илмий-педагогик тадқиқот бўйича яхлит тасаввур шаклланади.

6

Фан бўйича талабаларнинг билим, кўникма ва малакасига қўйиладиган талаблар

Физика ва астрономия таълимида таҳлил ва тадқиқот усулларини ўзлаштириш жараёнида магистрантлар:
- Кадрлар тайёрлаш миллий дастурини тахлил қилиш, таълим жараёнининг даврийлик қонунияти ҳақида физика таълимида назарий умумлашмалар ҳосил қилиш, замонавий педагогик технологиялар ва улардан фойдаланиш кўникмаларига эга бўлиши;

• 
  педагогик тадқиқотларнинг назарий ва амалий аҳамиятга эга бўлишини билиши ва улар қандай олиб борилишини яхши тасаввур қилишлари зарур;
  
• 
  илмий-тадқиқот ишининг мақсади нима эканлигини билиши;
  
• 
  педагогик тадқиқотларнинг турлари ва уларнинг тавсифини билиши;
  
• 
  педагогик тадқиқотларнинг сифати ва самарадорлигини яққол тасаввур қилиши;
  
• 
  фундаментал ва амалий тадқиқотларнинг сифат мезонларини билиши;
  
• 
  педагогик тадқиқотларнинг методологик тавсифларини билиши;
  
• 
  илмий-педагогик тадқиқотларнинг таркибий тузилишини тасаввур қилиши;
  
• 
  педагогик тадқиқот натижаларини амалда қўллаш малака ва кўникмаларига эга бўлиши;
  
  • 
    педагогик тажриба-синов ишларини ўтказиш ва олинган натижаларни математик-статистик усуллар билан қайта ишлашни билиши;
    

-диссертацияни қандай ёзилишини ва расмийлаштиришни ҳамда унинг авторефератини ёзишни билиши талаб қилинади.

• 
  ҳозирги ахборотлашган жамият шароитида илмий ахборотларни олиш, тўплаш, таҳлил этиш тажрибасига эга бўлиш ва уларни амалда қўллай олиш каби малакаларига эга бўлиши керак.