Олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил этиш бош илмий-методик маркази

Keлгуси режалар(таҳлил ва ўзгаришлар

Ўқитувчи: янги педагогик ва ахборот технологияларини мукаммал ўзлаштириш ва машғулотларга татбиқ этиш, такомиллаштириш. Ўз устида тинимсиз ишлаш ва ҳар бир мавзуни ҳаётий мисоллар билан боғлаш. Педагогик маҳоратни ошириш. Taлаба: ўқув материаллари, шунингдек, ахборот технологиялари билан мустақил ишлашни ўрганиш. Ўз фикрини равон баён эта олиш, савол-жавоблар жараёнида ўз фикрини билдира олиш. Aмалда учрайдиган мисол ва масалаларда тўғри жавоб беришга ҳаракат қилиш малакасини ҳосил қилиш.

“Бумеранг” технологияси

Ушбу педагогик технология ҳам талабаларни дарс жараёнида, дарсдан ташқарида турли адабиётлар, матнлар билан ишлаш, ўрганилган материални ёдида сақлаб қолиш, сўзлаб бера олиш, фикрини эркин ҳолда баён эта олиш ҳамда бир дарс давомида барча талабаларни баҳолай олишга қаратилган.
Мақсад. Дарс давомида талабаларга тарқатилган материалларни улар томонидан якка ва гуруҳ ҳолатида ўзлаштириб олишлари ҳамда ўзаро суҳбат-мунозара орқали, турли саволлар орқали тарқатма материаллар, ундаги матнлар қай даражада ўзлаштирилганини назорат қилиш. Дарс давомида талабалар томонидан баҳо балларини эгаллашга имконият яратиш.
Ўтказиш технологияси.
Ушбу технология бир неча босқичда ўтказилади.
1-босқич. Ўқитувчи томонидан ўқув машғулоти мавзуси, мақсад ва вазифалари эълон қилиниб, умумий йўналиш берилади ва олдиндан тайёрлаб қўйилган рақамлар ёзилган кичик қоғозлар билан ҳар бир талаба ёнига келиб гуруҳ аъзоларидан ушбу қоғозлардан биттадан рақам тортиб олишларини сўрайди. (қоғозлар сони гуруҳдаги талабалар сонига боғлиқ, яъни 1, 2, 3, 4 этиб тайёрланади. Гуруҳлардаги барча талабалар рақамлар ёзилган қоғоздан олишлари керак. Ўқитувчи рақамлар бўйича талабаларни гуруҳлар тузишларини сўрайди. Масалан, ҳамма 1 рақамни олганлар биринчи гуруҳни, 2 рақамлилар иккинчи гуруҳни, 3 рақамлилар учинчи гуруҳни, 4 рақамлилар тўртинчи гуруҳни ташкил этишларини сўрайди. Гуруҳ 4 талабадан иборат 4 та кичик гуруҳга ажратилади.
2-босқич. Ўқитувчи ҳар бир гуруҳ ва унинг ҳар бир аъзосига мустақил ўрганиш, фикрлаш ва ёдда сақлаб қолиш учун алоҳида-алоҳида аниқ ёзма тарқатма материал беради. Бунда мавзу бўйича матн берилган, уларнинг сони гуруҳлар ва талабалар сонига боғлиқ. Шундай қилиб, ҳар бир гуруҳ №1, №2, №3, №4 рақамлар билан белгиланган 4 хил матнга эга.

№1