O’lchash vositalari va usullari

Ko‘rsatuvchi elektr o‘lchash 
asboblari (EO‘A) o‘lchash natijasini uning 
ko‘rsatishidan hisoblab olish uchun hizmat qiladi. Ko‘rsatuvchi elektr o‘lchash 
asboblari shunday tayyorlanadiki, ularda asbob shkalasi (o‘lchash asbobining daraja 
yozilgan qismi) qo‘zg‘almas bo‘lib, uning ustida ko‘rsatuvchi mil (strelka) siljiydi.
Qayd qiluvchi elektr o‘lchash asboblarda
ko‘rsatuvlarni yo diagrammali 
qog‘ozda yozib olish yoki raqamli tarzda qayd etish ko‘zda tutiladi.
Integrallovchi elektr o‘lchash asboblari
berilgan (o‘lchanadigan) kattalikni 
vaqt bo‘yicha yoki boshqa mustaqil o‘zgaruvchi ko‘rsatkich bo‘yicha integrallash 
xususiyatiga ega. Bunga misol qilib elektr energiya hisoblagichini ko‘rsatish 
mumkin. 
Jamlovchi elektr o‘lchash
asboblarda ko‘rsatishlar turli kanallar orqali 
berilgan ikki yoki bir necha kattaliklarning yig‘indisi bilan funksional bog‘langan 
bo‘ladi. Bunga bir necha generatorlar quvvati yig‘indisini o‘lchash uchun 
mo‘ljallangan vattmetrlar misol bo‘la oladi. 
3.
Elektr o‘lchash asboblari ishlatilishiga qarab,
elektr, mexanik, issiqlik, 
kimyoviy, noelektrik kattaliklarni o‘lchaydigan asboblarga bo‘linadi. Biror fizik 
kattalikni o‘lchash uchun avvalo uning turini aniqlash-bilish lozim. Shu bilan birga 
aytish kerakki, mexanik, issiqlik, kimyoviy,biologik va boshqa noelektrik kattaliklar 
har xil o‘zgartkichlar yordamida elektr o‘lchash asboblari bilan o‘lchanadi. Albatta, 
noelektrik kattaliklarni elektr asbobi bilan o‘lchash uchun, juda ko‘p turdagi har xil 
o‘lchash o‘zgartkichlari talab qilinadi. Masalan, reostatli, termoqarshilikli, 
induktivli, sig‘imli, induksion va shu kabi o‘zgartkichlar ana shular jumlasidandir.
4.
Elektr o‘lchash asboblari ishlatilish xususiyatiga ko‘ra,
ko‘chma va 
ko‘chirib yuritilmaydigan (statsionar) asboblarga bo‘linadi.