Олабўжи романдан катта хикоя

– Тушунаман, унутиш оғир. Шунча тўй-томоша, гап-сўз бўлгандан 
кейин. 
– Бу ёғиям бор. 
– Лекин “булар” ҳам унутилади, Ултон ака. Қолаверса, бугун 
уйланиб, эртага ажрашганлар ҳам бор ҳаётда. Бунинг сабаблари ҳам кўп 
бўлади... 
– Рост. 
– Агар сиз “хўп” десангиз... яъни қандайдир аҳдингиздан 
қайтсангиз... 
– Хўш? 
– Мен бу ишни бостира оламан! Розиск ҳам йўқ! Сиз уёққа 
тушганингиз ҳам йўқ. Шунчаки тоққа кетгансиз-у... 
– Ҳм-да. 
– ...Қайтиб келгансиз. Ваабше биров сизга ҳайрон бўлмайди... 
– Бу ўзингизни режангизми? – сўради Ултон кулган бўлиб. 
– Ўзимни, ўзимни! – таъкидлади Дунё. – Ҳозир калламга келмаган 
бўлса, худо тепамдан урсину-а! 
– Йўқ, Дунёхон. 
– Нега? Нима топасиз?.. Камида яна қайтиб, ўша ерга борасиз. Ана 
унда чиндан ҳам ҳалигидай бўлиб... Тавба! У ерда шароит шундай 
эмишки... 

---

515 
– Рост. 
– Йўғасам... 
– Менинг ишим пишган, – деди Ултон бирдан енгил тортиб. – Сиз, 
яхшиси, менга оқ йўл тиланг! 
– Ултон ака... – жавдиради Дунё. 
Ултонга унинг ҳолати шу қадар ёқиб кетдики, ўзининг қадрига 
энди етгандек бўлди: ҳа, у чинакамига... 
...эркакнинг ишини қилишга отланган! 
Бу иш элу халқнинг ва юртнинг ор-номусини ҳимоя қилиб 
майдонга чиқиш эмаса-да, унга яқин, унинг замирини... 
...мустаҳкамлайдиган “иш”дир... 
 
Энди ушбу поғонадан тушмаслик керак. 
– Мен фахрланаман – сиздай сингиллар борлигидан!.. – Шунда 
Дунёнинг қандайдир режаси ҳам борлиги ёдига тушди: Хуррамми, 
Баҳорми айтганди. 
Ҳа-а, Тараканов тўғрисида...