Олабўжи романдан катта хикоя

– Ўтиринг... Чанг билан лойнинг отаси бошқа дейдилар. Ювасиз, 
қоқасиз – кетади! Чопонни менга бериб туринг... Ахир, кетишингиз 
мумкин! Ҳим, яшанг... 
– Мен гапимни давом эттирайми? – сўради Ултон. 
– Албатта!.. Хўш, ўша халққа сен қандай қарайсан? Кулма, 
Тиркаш! 
– Ҳе, оғаларнинг садағаси кетай! Эрталабдан салом бераман-у! – 
деди Тиркаш. – “Ассало-оом, ру-ус...” Кечирасиз, домилла, овозим 
ёқимсиз.
– Тек ўтир... Ултон? 
– Домла! – Йигит қўрга бирон тикилиб турди-да, шартта бармоғи 

---

468 
билан кавлади: чўғлар яшнаб кетди. – Мендан интернационализмга 
муносабат ҳақида сўрасангиз, бу – инсоннинг туғма-табиий 
фазилатларидан бири, деб жавоб бераман. Бу йигит баландпарвоз 
гапиряпти, деб ўйламанг... Ахир, дўсти учун ўзининг дорга тортилишига 
рози бўлган дўст ҳақидаги ривоятни биларсиз? Хон нима деган экан 
маҳбусга: “Яқин кишиларингдан биронтаси осилишга рози бўлса, сен 
озодсан”» Она рози бўладими? Йўқ: “Кичкиналарим бор, етим қолади”, 
дейди. Ота-чи? “Мен ўлсам, буларни ким боқади?” дейди. Маҳбуснинг 
ака-ука, опа-сингиллари ҳам осилишга рози бўлмайдилар. Шунда ким 
чиқади ўртага? “Мени осинглар!” деб? 
– Дўст! – деб юборди Тиркаш. – Лекин менинг ундай дустим йўқ. 
– Сен “дўстлик” ҳақида сўзладинг. – Яна жилмайди Зокир Ўринов. 
– Мен эса “интернационализм” ҳақида, яъни, ўзга миллатларга 
муносабатинг, дейлик, бир миллат вакилини ерга уриб,
 
ўзиникини 
кўтариш... 
–
Сизнингча, мен ўзбекни ўрисдан баланд қўяманми? – деди 
Ултон. Ёхуд уларни камситаманми? 
– Энди очиғига ўтдик: менимча, шу нарса кўнглингда бор...