Олабўжи романдан катта хикоя

 
Машрабо, ёр хизматини айла жону дил била,
 
Ушбу даврон ҳам ғанимат, олмағайди ко-ошки. 
Ултон, ниҳоят, бу кишининг ҳазил-ҳузулларию дўқ-пўписалари 
билан бирга...
...моҳиятини ҳам англаб етгандай бўлди: бу одам яхши яшаб, 
ўйнаб-кулиб ўтмоқчи. Вассалом. 
101 
Зокир Ўринов билан гаплашиб турган Наби: 
– Биз ҳам домламиз билан сўрашар эканмиз-да” – деб Ултонга 
томон йўналди. – Мен сиз билан гаплашай дейман, сиз домлангиздан 
ажрамайсиз! 
Ултон Набини ҳам бошкотибга яқин экан, деб ўйлади. Бу яқинлик 
илгаритдан бормикан (Набини мошинаси билан Ултонларнинг 
ихтиёрига топширилишидан бурун ҳам)? Ёки ушбу сафарда дали-ғули 
йигит ҳазилкаш котиб билан бемалол гап отишадиган “даража”га 
етибдими? 
Ултон Набини эски қадрдонидек қаршилади. 
– Узр, ука. 
– Мендан узр сўраяпсизми? Шунақа одам бўп кетдимми ҳали? 

---

455 
– Секинроқ. 
– Ҳе, домиллажон-ей! Бизлар шундай йигитмизки, катталар 
тергаб-уришиб турмаса, гумонсираб қоламиз: “Нима гуноҳ қилдим 
энди?” 
– Гуноҳингдан савобинг кўп, – деб кулумсиради Ултон. 
Наби унинг белидан қучиб қўйди. 
– Зўрми? – қишлоққа ишора қилиб кўз қисди. – Яхшимисизлар? 
– Раҳмат, – деди Ултон. – Кўринмай қолдинг? 
Наби Бўтабой Сўпини кўрсатди. 
– Анави одамдан сўранг-да. Шопирни итдек ишлатар эканлар. 
Бугун ҳам юз жойга бордик!.. Ўрилмаган пичанни ўрилди, деб сводкаям 
бериб юбордилар... – Кейин мийиғида ишшайган Бўтабой Сўпига: – 
Сирингизни очдим-а! Э, барибир Тўқлибой акам биладилар! – деб 
Ултонга юзланди. – Буёққа юринг, домла... – Туғдонанинг ортига ўтгач,