– Нимаси кулгили, нимаси? – Ултонни кўриб, унга мурожаат
қилди: – Бу нима савдо, ўртоқ Султонов? Сиз табиатшунос-ку,
биларсиз? Шу жун қалпоқни бошимга илдимми, тамом! Шу қуш пайдо
бўлади... Сизники эмасми мабодо?
– Бўлиши мумкин, – деди Ултон. – Инига теккан бўлсангиз?
– Э, мен ёш боламанми...
– Билмадим... – Шунда Зиёдулланинг тиззасига уриб кулаётгани
Ултоннинг эътиборини тортди-ю, унинг кўзига кўзи тушиши замон бир
гап айтмоқчи эканини англади.
Англабоқ...
...Қайси куни Дунёларнинг дачасида қирғий боласи борлиги, у
айвонда – қафасда туриши, меҳмонхона тўрида эса – телевизор устига
фосфор бургут қўйиб қўйилгани ҳақида Баҳорнинг ҳикоясини эслаб
қолди. Шунга баробар...
443
...ўзининг боғида – ёнғоқ остида Қаюм новвойнинг қалпоғига
қирғий урилиб ўтгач, Дунёнинг: “Мен биламан бунинг сабабини...”
дегани ҳам ёдига тушди.
Демак, оқ қалпоқлардан бири ўша қирғий боласини инидан
олган...
Абдуқаюм-ку бу ишни қилмайди. Демак... Ана шунинг учун
Тўлагановнинг жўжаларини қийратар экан-да!
Ултон шу фикрга келгач, Ўзоқ Тўлагановдан нафратланиб
қолмай, унга раҳмиям келиб кетди ва умуман, бу тўғрида оғиз
очмасликка қарор қилди.
Сўнг миясида бир фикр чақнади: “Бу нима учун Зиёдуллага қуш
боласини обериши керак экан?
Бўтабой Сўпининг югурдагими буям?”
Сўнгра онгида бошқа фикр уйғонди: ҳали қизил командирнинг
хотини ҳақида нега суриштириб қолди: “Исмини сўради? Кейин соатига
қаради?”
Ниҳоят бу майда ўйларга ҳам барҳам берди: балки бир “сабаби”
бордир?.
Ахир бу одам илгаридан сергумон: ҳар нарсадан бир айб топади...
Do'stlaringiz bilan baham: |