Олабўжи романдан катта хикоя

– Дунёхон рост айтдилар, – деди Ултон. – Қарға билан майна ҳам 
ўзларига жабр етказганни унутишмайди. 
– Ўртоқлар, менда айб йўқ. 
Дунё кулди. 
– Бас, мен биламан, қирғийга ким ёмонлик қилганини... Лекин 
айтмайман: бу ерда табиатшунос ўтирипти... Ултон ака, ўшанинг ини 
бор-а бу ерда? 
– Ана! 
– Хуллас калом, новвой, бу қалпоқдан воз кечадиган бўлдингиз, – 
деди Мунди. – Ё ҳаёт, ё ўлим. Яъни ё кўз, ё қалпоқ? Танланг бирини! – 
Кейин Собирга кўз тикиб, шишага имо қилди-да: – Ултонжон, бизга 
жавоб берасиз энди, – деди. – Мана, уялмасдан бугун ҳам келдик... 
Хуррам ўтираверади... Кечгача деяпман-е. Кейин сениям муҳим 
ишларинг бор. Аммо лекин Берди тентак ҳам районда бўлса керак... 
– Рост, – деди Хуррам. – Ҳозир тўй сезони, Ултонжон. Беш-ўн 
кундан кейин пахтага ҳайдашади. Шу билан тамом. 
– Бир йиллик бисотини йиғиб олади, холос, – қўшимча қилди 
Мунди ва ирғиб туриб, ўзи шишани олди. – Чингизхон кетди, амир 
Темур кетди, ҳе, Сталин бобоям ўтиб кетди! Биз ҳам бир кун... 
– Айтмоқчи, Ултонжон, эртага кечқурун яна учрашамиз, – деди 
Хуррам. 
– Ҳа, да! – деди Дунё ҳам. – Эртага чорлар. “Куёв чақирди”. 
– Шу, шу, – тасдиқлади Баҳор. – Бирга бўламиз, Хуррам ака. 
Собиржон? 
– Мен биламан, – деди Собир. 
Салдан кейин ғўла-стол атрофида уларни кузатиб қайтган келин-
куёвдан бошқа ҳеч ким йўқ эди.(қўлёзма вариантида журналдаги 87 боб 
матни 86- бобда келтирилган қўлёзмада 86 бобдан 87 бобга ўтиб 
кетилган, назаримда адашиш бўлган) 
 

---

388 
87 
Ултон тағин... қурдошлари “номардлик” қилгандай хўрсиниб кўча