Олабўжи романдан катта хикоя

Илло, инсоннинг табиати ўзи – шундоқ тузумни “қабул” қилар 
экан. 
Тўғри, унга қарши бош кўтаришлар ҳам бўлиб туради: аммо бу 
ҳам – табиий ҳол... 
– Жуда тўғри айтдингиз, домла! – деб хитоб қилди Хуррам. – Ота- 
боболаримизнинг ҳам орзуси шу бўлган у... ғоя! 
– Ахир, социализм уни рўёбга чиқаради-ку? 
– Чи-қара-ди? 

---

333 
– Албатта! 
– Домла, ўйлаб гапиринг, салкам олтмиш тўрт йил ўтипти!.. Ахир, 
сезилмаяпти-ку? Аксинча, “Тенглик, Адолат” истаганларнинг бурни 
қонаяпти... Уни истаб чиққанлардан юз минглаби қамоқларда чириди! 
Отилди. “Халқ душмани”, деб... 
– Ўша “душман”лар душманлигини бўйнига олганми, йўқми? 
Хуррам ғамгин бош ирғади. 
– Мен ҳам... “Пахтакор”даги тўпалонда бир ўрисни урдим, деб 
бўйнимга олганман... 
– Сени қўлингдан келади! 
– Эсиз... Ҳамма гапирганда ҳам сиз жим турсангиз бўларди, домла. 
Ахир, Олатоғда энг бадном бўлган киши – сиз эмасми? Нима учун? 
Ҳақиқатни истаганингиз учун! 
– Мен барибир социализмга ишонаман! 
– Коммунизмгаям ишонинг. Энди, биродарлар, мен сизларга бир 
фактни айтиб бераман! 
– Қисқароқ бўлсин, – деди Мунди. 
– Бир минут!.. – Хуррам “Тошкент суви”дан ичиб, қўлини кўксига 
қўйди. – Бу фактни бу ерда фақат Ултонбек билсалар керак. Биласиз... 
– Хўш? – деди Ултон. 
– Ўн еттинчи йили Русияда Октябрь Инқилоби бўлди. Бўлди. У 
инқилобмиди, давлат тўнтаришимиди – билмайман... Аммо Фрунзе 
бошлиқ Қизил Армия Бухоро чегарасига келиб тўхтагандан кейин 
амирлик билан уруш чиқаришга баҳона излаганини биласизларми? – 
Зокир Ўринов яна дик этиб турган эди, Хуррам пешонасига бир урди. –