Олабўжи романдан катта хикоя

турди. 
Иван Иванович бир қўлини кўксига (панжаларини ёзганча) босиб, 
бирини Ултонга узатди. 
– Табриклайман, Ултан! – иссиқ табассум қилди. Сўнг Баҳорнинг 
қўлини ўпти-да, қўлтиғидан сувқоғозга ўралган катта китобни олиб 
узатди. 
Муқовада “Алмазный фонд СССР” деб ёзилган эди. 
– О-о-о! – Альбомни Дунё олди. – Иван Иванович, жуда дидли 
одамсиз-да! 
Тараканов: 
– Ну зачем?.. – деди уялиб. Сўнг: – От всей души поздравляю, – деб 
бошини эгди. Кейин Ултонга боқди. – Она прекрасна! Вы – счастливый 
человек. Поздравляю!.. Оказывается у нас общего есть... 
– Ўтиринг, Иван Иванович, – деди Баҳор. Ва эрига шивирлади. – 
Қуйинг. 
– О, йок-йок, – деди Иван Иванович. – Вы же знаете... Я хотел 
пригласить Вас обоих к себе, – давом этди илжайишини қўймай. Сўнг 
Дунёга қараб олди. – Они тоже приедут. Мама приехала из Ленинграда... 
– Ҳў-ў! – қизалоқдек қувнаб деди Баҳор. – Име-ни-на? 
– Да, но, биз... 
– Биламиз! – деди Баҳор. – Райондаги квартирангизга бориш 

---

310 
керакми? 
– Нет. Мама любит тот сад... Салдатлар тухтатса, мени айтасиз... 
– Каждый своим ходом, – деб қўйди Дунё. 
 
– Пожалуйста. 
– Раҳмат, Иван ака! 
Тараканов эгилганча изига бурилди. Сўнг тикка бўлиб ўйинчилар 
орасига кирганда киссасидан иккита йигирма бешталик чиқариб, 
бирини раққосага тутқизди. Бирини Хуррамга узатганди, у рад 
маъносида бош қимирлатди. Тараканов уни дуч келган йигитга бериб, 
ўтиб кетди. 
– У, кучингдан, – деди столнинг адоғидан кимдир. – Улоқни 
опкетди! 
– “Сайёра”ни эшитганмисан? – ғулдиради Мунди. – “Маккора