Олабўжи романдан катта хикоя

биринчи марта кўришим! 
– Отангга раҳмат! – деди Мунди. 
– Устозимгаям раҳмат, – деб давом этди Собир. – Районимиз 
раҳбарларининг мундай саф бўлиб ўтиришларини биринчи кўришим. 
Жуда чиройли бўлар экан... Яна бир гап: куёвнинг базмига... 
қудаларнинг ҳам келиб, даврага файз қўшиб ўтиришлариниям биринчи 
кўришим. 
– Тўғри, тўғри, – дейишди. 
– Тағин бир нарсани алоҳида қайд этаман: неча йилдан буён 
ремонт қилинмай ётган “Крупская” момомиз бугун бамисоли 
келинчакка айланди! Бунинг учун район партия комитетига ва унинг 
бош секретари ўртоқ Тўқлибой Қўчқоровга, сўнгра “Оқсой”нинг 
машъал директори Бўтабой Сўпиевга миннатдорчилик билдирамиз... 

---

288 
Энди, 
вилоят 
марказидан 
келган 
журналист 
акаларимизу 
санъаткорларимизга бир қаранглар!.. Бу – фавқулодда истисно тўйдир! 
Махфират опамиз адресларигаям... 
Шунда Ултон тиззасида Баҳорнинг кафтини туйиб, тек қолди-да: 
– Айланай, – деб шивирлади. 
* 
– Сиз билан... ўзимиз ўтиргим келяпти, – дея столга тикилди 
Баҳор. Бироқ шунда Ултоннинг кўкраги оғриб кетди: “Каромат...” – 
Барибир, – деди ичида. – Унга сим қоқиш керак эди”. 
Собир: 
– Бир жуфт ашула! – деб Хуррамга навбат берганидан кейин 
девона торни ҳамроҳига ушлатди-да, лўк-лўк юриб, келин-куёвнинг 
олдига келди. 
– Менинг сўзим – ашула, – деди бир қўлини кўксига қўйиб. Сўнг 
бошқа қўли билан қўйнидан сопол ҳуштакдай ҳайкалча чиқарди-да, 
Ултонга узатди. – Маъбуда... – Сўнг Баҳорга қарамай давомини айтди: – 
Келин, бу – тумор... 
Баҳор ҳайкалчага ўқрайиб қолган эди.