Олабўжи романдан катта хикоя

қолган малла шляпаси бор қария мармар зиналар томон пилдираб ўта 
бошлади-ю, Наби босиб-босиб сигнал берди. 
– Ким у? – сўради Ултон. 
Наби оғзининг таноби қочиб: 
– Жуда улуғ одам! – деди. – Юринг, домиллажон. Бир кўришайлик! 
– Жуда унақа улуғларга ўхшамайди-ку? 
– Ҳе, сиз район халқини билмайсиз. Биласизми, кеча... Тушинг! – 
Ўзи тушиб, эшикни ёпди. – Олға! – Шляпали қария тўхтаб қолган эди, 
Набини кўриб, бу томон жила бошлади. – Кеча шу ерда турганингиз 
аллақачон гап бўпти! Мен ичкарига кириб кетганда... 
– Қайси маънода? 
– Нимага бу муаллим-ёзувчи шанба куни райкомнинг олдида 
турипти? Хўш, совхоз директорининг мошинасида юрипти? 
– Оббо. 
– Бу халқ ана шундай, домиллажон. Шунинг учун мени Оқсув 
тортади... 
– Бачканалик. – “Одамлар майдалашиб кетганми? – дея фикрини 
ичида давом эттирди Ултон. Сўнгра халқнинг қачон “бағри кенг” 
бўлганини тасаввур этолмади-ю, иттифоқо боғ сиртидан ўтаётган 
ўткинчиларнинг ҳозир ҳам ўзларига қизиқишиб қарашаётганига 
эътибор этди. Ва: – Ҳа, ҳа, – деди. – Бир жиҳатдан бу – табиий ҳол: нечук 
энди бозор куни...” 
– Салом сизга, Кенжа бобо, – Наби қария билан қўш қўллаб 
кўришди ва юзига фотиҳа тортди. – Бу киши бизнинг домилламиз ўртоқ 
Султонов бўладилар! 
– Омонмисиз, бўтам? – Ултонга ҳам қўл берди мўйсафид. – Бу 
Султон... 
– Оқсувдаги чўпон бобо бор-ку? 

---

212 
– Э, э, э! – Қария тортган қўлини тағин узатди. – Бизнинг жўрани 
ўғлимисиз? Ҳа-а, балки... Отангиз дамлигина юриптиларми?... Биз 
хурсандмиз Султонбекдан! – Ажабо, бу чол Султон бобонинг замонавий 
нусхаси эди гўё. Ултон буни англаб, юраги шувиллаб кетди. Чол эса