Олабўжи романдан катта хикоя

тайлоқланиб жилмайди. – Муаллимга айтиб қўй, мен у кишини ҳурмат 
қиламан, деди. 
– Ҳурматини пишириб есин. Уларга жавоб бер. Бор. 
– Э, миршаб мени... Булар аристон ҳисобида, ака. Паспортиниям 
сроги ўтиб кетган. 
– Жуда соз экан-да: кучала еган жойига бориб тиришсин! 
– Мен қўрқаман, домлажон. У ёмонликка олса... 
– Мен ҳайдавордим. Марш! – Ултон бедапояга кириб, боғлардан оз 
қолгани, опкетилганларининг ўрни намхуш эканини кўрди. Хўрсиниб 
чўнқайди-ю, қўрадан хабар олиш учун яна ирғиб турди. 
...Айвон пастида “меҳмонлар” гаплашар эди, Ашимга қарамай 
нари ёққа ўтиб кетди. 

---

202 
Иккита дўнглик орасидаги кенггина сайҳонликнинг очиқ 
томонларига тош қалаб девор кўтарилган ва тепаларнинг ҳам бағри 
қирилиб-кесилиб деворга ўхшатилган, шу деворлар бағридаям уч-
тўртта тўла ўйилган эди. 
Ултон девор қошида тўхтаб, айвон бурчагида ғарам қилиб 
босилган боғларгa боқди, сўнг димоғига урилаётган нишхўрд, қий ҳиди 
ҳадемай... бу жой бир-бирига урилган-сурилган, гангиган-гангираган 
қўй-эчкиларга тўлишини унга эслатди-да: “Отам билади”, деб 
кўнглидан кечирди: Султон бобо ўғлининг сўроғига жавобан тағин икки 
ҳафтадан кейин Оқсувга энажагини айтган, кулимсираб: “Биз ўзимизам 
об-ҳаво бўйроси бўп кетганмиз”, деган эди: ҳа, қачон совуқ тушишини 
чўпонлар табиатдаги ўзгаришларга қараб билишади. 
Ашим келди. 
– Кетишди. 
– Изи ўчсин. 
– Қирдан ошиб кетинглар, дедим. Кўрсатиб қўйдим. Уйчангизнинг 
орқаси билан... 
– Бирон нарсани илиб кетишмадими? 
– Бошдаёқ қўрқитдим-да! У нас вор нет, дедим. Воруеш – убьёт де-
дим. Вот двери открыто, дедим.