Олабўжи романдан катта хикоя

Наби бирдан милисани қитиқлаб: 
– Яқинда бир отишамиз, – деди. 
– Тинчликми, ака? – деди у. 
– Кейин Ашим икковингни уриштираман. Ҳеч ким қўшилмайди.
Милиса хиринглади. 
– Йўғасам “Скорая помош”диям айтиб қўяр экансиз-да? 
– Ҳа, даканг! Каратэни ўргатяпти, а? 
– Керак-да! – У ғурур билан Ултонга қараб қўйди. 
Ултон нафратланиб майдонга энди: полисменларнинг ойна-қалқон 
тутиб, резина дарра билан қандайдир ҳуқуқларини ҳимоя қилиб чиққан 
намойишчиларни дўппослаб кетишларини телевизорда кунора кўрар, 
шундан уларга чексиз ғазаб-нафрат туяр эди. Ва... бу заминда ундай 
ҳоллар мутлақ йўқлигидан ичида чексиз мамнун бўларди: илло, бу 
тупроқ халқи кўчаларга фақат байрамларда, шундаям ўзларининг 
Тенлик, Озодлик. Бахт ва Саодат оғушида яшаётганларини намойиш 
этгувчи шиорлар кўтариб ҳамда “ура-ура!” садолари остида чиқишади. 
Шунинг учунми, анави соқчининг японча сўкиш усулларини 
ўрганиши Ултонга эриш туюлди. 
Сўнг: “Балки бузуқбошларнинг попугини пасайтириш учун 
ўргатишар...” деб қўйди. 
 
 
 
 
 
40 
Жўнаб қолдилар. 
...Мактабга оптуадиган кўчага етавериб, Ултон: 
– Бир кириб ўтайлик, – деди. 
Наби инжикди. 
– Прорабмисиз?.. Э, домилла, йўлдан қолмайлик. 
– Ҳим, ҳайда. 
– Булар қиладиган ишини билади. 
– Мошинанг чиқиб бороладими? Чўнтоққа борганмисан? 
– Бу тоғларнинг тошини санаганмиз, домилла! Директорга шопир 

---

180 
бўлганингдан кейин кирмаган тешигинг қолмас экан. 
– Фақат уйига кирмаганман, де? 
– Қон қусай, агар унинг дачасига кирган бўлсам!