Олабўжи романдан катта хикоя

Бу “учрашув”ни Наби билиши мумкин эди... Ё, Ашим айтганми 
бунга? Йўқ, Ашим буни ёмон кўради. 
Айтмоқчи, Қорабой уйдамикин? 
– Сенга асос керак бўлса, – дея солланиб, муштумига йўталди Одил 
милиса. – Асос – ўзинг! – У қоронғида илжайиб, пастликка ишора қилди. 
– Кўприк остидан ўтдинг-ку? “Время” бўлаётган эди... 

---

158 
– “Время”... – Ултон инграб юборишдан ўзини зўрға тийиб қолди-
ю, миясига бир фикр келди: “Бир сир бор... Бу, бу барча 
муомалаларда...” 
– Тўғрими? 
– Ҳа! – деб юборди Ултон. – Нима ишингиз бор сизни? Эй, 
одамларни кузатишга... 
– Ҳаққим бор, – бемалол деди милиса. Ва тирсагини кўприк 
тўсиғига тираб, унга боқди. – Ўзинг ўйлаб кўр, муаллим... Кечаси 
бемаҳалда бир отлиқ йўлдан эмас, хилват жойлардан юриб кетаверса. 
Унга ким эътибор бериши керак? Биз. Мен, – таъкидлади у. – Шунинг 
учун бизни участковой қилиб қўйишипти. Тўғрими гапим? 
– Хўп, муддао нима? – сўради Ултон. Ва миршабга ҳисоб бераётган 
айбдорга ўхшаб қолаётгандек туюлди-да, ғужури келиб кетди: бу киму... 
Ултон – озод одам! Ултоннинг Одаму Олам ҳақида 
билганларининг юздан бирини ҳам билмайдиган жоҳил-ку бу? Ўғри-
муттаҳам... 
“Совет миллионерининг югурдаги”, пиёниста... Ҳатто бир жуфт 
нонни ҳам текинга олиш... 
– Муддао – халқнинг тинчи, –деб тағин илжайди Одил милиса. – 
Бошқа нима бўлиши мумкин? 
– Сиз уста одамсиз. 
Одил милиса ҳиринглаб кулди-да: 
– Борим шу, – деди. – Лекин, билиб қўй, ўша қизни бир нарса 
қилган бўлсанг-у, уйланмасанг... – бармоқларини панжара қилиб 
кўрсатди. Сўнг: – Билдингми? – деб бирдан ўшқириб юборди. – Гапга