Олабўжи романдан катта хикоя

бундан хулоса шулки, домласига маъқул тушадиган мавзуда гап 
очишниям биларди. 
– Бу дунё мусрга тўлиб кетмаса деб қўрқаман... – бўғилиб деди 
Ултон. – Бу – даҳшат! Бизда ахлатни йўқотадиган технология йўқ... – 
Сўнг шаҳд билан Олатоғга қаради. – Ҳолбуки ракета базалари қуришни 
беш қўлдай биламиз! 
– Кўкмайдонда рости билан ракета палигони борми? 
– Аэродром бор. Ҳар кеча “миг”лар учади-ку? 
– Учади, энасини... 
– Ана уни сўксанг арзийди. – Шунда Ултон нишобга энаётганлари, 
тепага ўрлагач, районга киражакларини кўриб Набига боқди: – Сен ўзи 
қаерга бораётган эдинг? 
– Айтдим-ку! 
– Бекорларни айтибсан! Мени олиб юрар эмиш! Тўнғизнинг 
мошинасида! 
– Тўнғиз касал, домилла. Ангина бўлган. Эрталаб Баҳор опа хабар 
олган эди... – Наби туйқус Ултонга сергак кўз отди-да, гапни бурди: – Ҳе, 
тузалади-да! – Сўнгра Ултонга ўйчан кўз солди. – Айтмоқчи, ўзингиз 
қаерга боряпсиз? Тўғри, районга. Лекин, масалан, қаерга? 
Ултон ич-ичида ғалати бир ташвиш ва ғурурни туйди. 
– Райкомга. 
– Тўқлибой Қўчқоровнинг олдигами? 
Ултон унга қаради. 
– Сен буни қайдан биласан? 

---

10 
– Ҳе-ҳе-ҳе! – деб юборди-да, тиззасига урди Наби. – Шогирдингиз 
ер тубида илон қимирласа билади! 
– Хўш, қайдан била қолдинг? – Ултон бирдан чимирилди-да, унга 
ўнгланди. – Дарвоқе, сенинг пайдо бўлиб қолишинг ҳам сирли! Бунинг 
устига... 
– Тўғри айтасиз. 
– Хўш? 
– Э-э, домиллам-е! – Наби тағин чамбаракка муштлади. – Шопир 
халқи Бўтабой Сўпига ўхшаган миллионернинг мошинасини ўз бошига 
ҳайдаб юроладими? А? То ўзи иш буюрмаса?