Олабўжи романдан катта хикоя

Бошқа ўқитувчилар ҳам муросачи мақомида гапга қўшилишди: 
масалан, бултур шу пайт Оқсувнинг кунчиқар тарафидаги қирларда 
пичан ўрганлари, бу адирларни совхоз ишчилари тозалаб кетгани, 
ҳолбуки бу жойлар — “маза” экани... ҳақида гапиришиб, юртга етдилар. 
Ўчоқдан чиқаётган тутун ва овқатнинг ҳидини шамол буларнинг 
юзига урди-ю, Ултон энтикиб кетди... 
...ғариб юртга жон кирган эди: ахир уй-рўзғор бўйи анқиётир! 
“Рост, одамзод бўлмаса, дунё ғариб! – деб дилидан ўтказди Ултон. – 
Тўғри айтишган: “Arap инсон уруғи қуриб битса, Ер курраси ҳам “йўқ” 
бўлади. Чунки унинг “бор”лигини ҳеч ким билмайди!» 
Тиркаш буларга юзланиб, таъзим қилди. 

---

462 
– Хуш кўрди-ик! 
– Қаерда кўрди-ик! 
– Қаерда ўтирамиз? – сўради Зокир Ўринов. – Биз ювиниб... 
– Ҳамма нарса – инсон учун! – табассум қилди бригадир-ошпаз. – 
Мана, яйлов кенг. Хоҳлаган жойларингда ҳатто думалаб ётишларинг 
мумкин! 
– Бу ер – бизнинг жой, – деб Ултон арча тагини кўрсатди. 
– Марҳамат... Ана, кўрпа-кўрпачаларинг. Бемалол тўшаб, ором 
олаверинглар. Бироқ тўшаклар ифлос бўлмасин десаларинг, бет-
бошларингни ювиб қўяман... Ултон оға, чодир тикилган жой қалай? 
– Тузук. Шамолпана, – деди Ултон. – Бу палатками қайдан 
топгансиз? 
– Совет Армияси омон бўлсин! – жавоб берди Тиркаш. – Бир аскар 
йигитлар бор, бир йигитчаларки, яримтани кўрсатсам, шиминиям ечиб 
беради, омон бўлгурлар... Айтмоқчи, бензиним адо бўлган. Кечаси 
“ароқ” демайсизлар.
– Атай эслатяпти, – деди Зокир Ўринов. – Қачон опкелмагансан – 
энди опкелмайсан? 
– Домиллажон, бензин боришга етади-ю, қайтишга – йўқ.