Оила кутубхонаси бахтли бола маънавияти

*** 
 
Болани бахтли қилишнинг 13 оддий қоидаси
Катталардан кўра болаларни бахтли қилиш осон. Чунки бола бахти 
қиммат нарсаларга боғлиқ бўлмайди. У ўзида тўкисликни ҳис қилиши учун 
бир неча тарбиявий қоидаларга риоя қилиш керак.
Жаҳл устида қарор, иш қилманг, гапирманг 
Бола жаҳлингизни чиқарди. Ғазабдасиз. Индамай чиқиб кетинг. 
Ўзингизни босиб олинг, ўртоғингизга қўнғироқ қилинг, сув ичиб олинг, 
чуқур нафас олинг. Буни болангиз сезиб туради. Бола хато қилди, қўполлик 
қилди. Косани синдирди. Атайлаб эмас. Шундай экан, у нима қилгандаям у 

---

145 
сиздаги аҳвол – ғазаб учун тўлиқ жавоб беришга ҳали тайёр эмас. У кичик 
бола. Сиз унга катта одамнинг жазосини берсангиз адолатдан бўлмайди.
 
Сиз болангиздан олаётган нарсалар ёқмаётган бўлса, болангизга 
бераётган нарсаларингизни ўзгартиринг. 
Бошқача қилиб айтганда, сиз ўз хулқингиз болага қандай таъсир 
қилаётганини кузатинг ва уни тузатинг.
 
Болангизнинг мустақил фикрлаш ва ҳаракат қилишига имконият 
беринг 
Болангиз учун қарор қабул қилманг. Кичик-кичик нарсаларда ихтиёрни 
унга беринг. У қила оладиган ишни сиз қилманг. Сиз тез ва соз қиласиз, 
лекин ўзи қилсин. Акс ҳолда бола бир умр бола бўлиб қолади. Чунки сиз 
унинг “катта бўлиб кўриш”ига, ўз хатоларини тузатиши, тугатишига, 
таваккал қилиш, ўзи қилган қарорлари, танлаган йўли, унинг оқибатлари 
учун жавобгарлик ҳис қилиши учун имкон бермайсиз. У бир умр бола бўлиб 
қолади. 50 ёшда ҳам. Лекин ўша пайт унинг ёнида сиз бўлмаслигингиз 
мумкин... 
 
Ўзингиз бахтли бўлинг 
Самолетда: “Кислород ниқобини аввал ўзингизга, кейин болангизга 
тақинг”, деган эълонни эшитгансиз. Болангиз сизни ҳар доим кузатишини 
унутманг. Ўзингизни бахтли, дадил тутинг. Ўзингизни босиқ, уйғун, бахтли 
одамдек тутишингиз уни шунга ўргатади.