Оғиз бўшлиғи аъзолари ва юз-жағ соҳалари тўқималарини

Рентген тасвирида – 
пульпа бўшлиғи кариоз ковак билан туташганлиги, 
илдиз учи соҳасида периодонтал ёриқ кенгайганлиги тўғри ташхис қўйиш учун 
асос бўлади.
Қиёсий ташхис -
ўткир йирингли периодонтитни ўткир йирингли диффуз 
пульпитдан фарқлаш керак: периодонтит касаллигида оғриқ доимий – пульпитда 
эса, ўз-ўзидан ҳуруж билан бошланувчи бўлади. Бу белгилар одатда узоқ давом 
этмайди. Ўткир йирингли пульпит қисқа вақт ичида ўткир периодонтитга ўтади. 
Периодонт зарарланганда, пульпитдан фарқли равишда, перкуссия қилинганда 
кучли оғриқ юзага келади. 
Даволаш: 
сут тишни даволашга кўрсатма – унинг анатомик ва 
функционал ҳолатидан келиб чиққан ҳолда ҳал қилинади. Тиш илдизи сўрилмаган 
ва у тиш қаторида сақланиши шарт бўлса, терапевтик усул билан даволаш тавсия 
этилади. Илдизи ярмигача сўрилган ёки тож қисми тўлиқ емирилган бўлиб, суяк 
тўқимасига инфекция тушиш эҳтимоли бўлса, тиш олиб ташланади. 
Сут тишларнинг сурункали периодонтити 
В.В. Рогинский (1998)нинг ёзишича, сурункали периодонтитларнинг 30%и 
тўғри ва яхши даволанмаган пульпитдан, 38%и даволанмаган кариесдан ва 30%и 
тишлар жароҳатларидан сўнг ривожланади. Ўткир периодонтитлар тамомила 
даволанилмаса, сурункали шаклларгага ўтади. Сурункали пульпитлар ҳам – 
бирламчи сурункали периодонтитларни келтириб чиқариши мумкин. 
Фиброз периодонтит.
Бу турдаги периодонтит фақат илдизи шаклланган 
(сут ва доимий) тишлардагина юзага келади. Илдиз шаклланмаган ёки 
сўрилаётган (резорбцияланаётган) бўлса, фиброз периодонтит ривожланмайди. 
Фиброз периодонтит субъектив белгиларсиз кечади. Болалар чайнаётганларида
оғриқ сезмайдилар.
Рентген тасвирида
периодонтал ёриқ шакли бир оз ўзгарган (кенгайган) 
лигини кўриш мумкин. 
Грануляциялар ҳосил қилувчи сурункали периодонтит 
кичик ёшдаги 
болалар сут тишларида учрайди. 
137 

---

Шикоятлар: 
айрим болалар, чайнаш вақтида тиш атрофида (дискомфорт) 
нохушлик (босимдан тиш атрофидаги тўқималарда эзилиш, сиқилиш пайдо 
бўлишига) шунингдек, милк, жағ ости, лунж соҳаларида оқма йўл ҳосил бўлиб, 
ажралма чиқишига шикоят қиладилар.