Оғиз бўшлиғи аъзолари ва юз-жағ соҳалари тўқималарини

Патологик анатомияси 
Периост (суяк қобиғи) зардобли яллиғланиши босқичининг морфологик 
текширувида қон томирлар кенгайганлиги (қизариш), шиш, ҳужайралар тўпланиб 
(инфильтрация) периостнинг қалинлашганлиги, толалари титилиб, бир-биридан 
зардоб туфайли ажралганлигини кузатиш мумкин. 
Даволаш.
Ўткир зардобли периоститни даволашда дастлаб бирламчи 
инфекция ўчоғи (пульпит, периодонтит) ни бартараф қилиш зарур. Вақтинчалик 
тиш илдизининг ҳолати этиборга олинади, сўрилиш жараёни кетаётган бўлса, 
олинади. Доимий тишлар имкон қадар сақланаб қолинади. Даволаш чоралари 
самара бермаса, тиш олиб ташланади. Сабабчи тиш даволанган (олинган)дан сўнг 
шиш бир неча кун сақланиб туради. Боланинг аҳволи яхшиланмаса, жарроҳлик 
усулида даволаш зарур бўлади. Шу сабабли, тишни олиш ва периостотомия 
операциялари бир вақтда ўтказилиши мақсадга мувофиқдир. 
Бирламчи инфекция ўчоғини даволаш (олиш) билан бир вақтда, боланинг 
ёшини ҳисобга олган ҳолда, сульфаниламид препаратлар, яллиғланишга қарши 
кальций глюконати, шунингдек, сенсибилизацияни бартараф этувчи препаратлар 
ичиш буюрилади. Кўп суюқлик ичиш ва физиотерапевтик муолажалар тавсия 
қилинади. 
Зардобли периоститнинг 
асорати.
Зардобли периостит дарҳол 
даволанилмаса, қисқа вақт ичида йирингли яллиғланишга ўтади. Вақт ўтказиб 
юборилса, ҳосил бўлган йиринг периост остида тўпланиб, абсцесс ҳосил қилади. 
 
 
 
Ўткир йирингли периостит 
Ўткир йирингли периостит юзага келганда бола (ота-она)лар юз 
шишганлигига, зарарланган томонда чайнаш вақтида оғриқ бўлиши, тана 
ҳарорати кўтарилиб, иштаҳа пасайиши ва уйқу бузилишига шикоят киладилар. 
Кўпчилик бемор ва ота-оналар юздаги шишни тишдаги оғриқ билан 
147 

---

боғламайдилар, чунки йирингли ўчоқ периодонтдан периостга кўчади. Шу 
сабабли, анамнез йиғаётганда касаллик қандай бошланганлиги ва қайси тиш 
сабабчи бўлганлигини синчковлик билан суриштириш керак.