Оғиз бўшлиғи аъзолари ва юз-жағ соҳалари тўқималарини

Маҳаллий кўрсатмалар:
тишни пломба ёки протез ёрдамида тиклаш 
имконияти йўқлиги.
Периодонтитларни консерватив хирургик даволаш усуллари уч босқични 
ўз ичига олади: 
Терапевтик даволаш
–
ўта синчковлик билан тиш каналига эндодонтик 
асбоблар ёрдамида ишлов бериш, кесув тишлар ва премолярларни эвгенол билан, 
молярларни резорцин-формалин пастаси билан пломбалаш. Тишнинг анатомик 
шаклини амальгама ёки композицион ашёлар билан тиклаш. 
Жарроҳлик даволаш чоралари
юқорида келтирилган операциялардан 
бири ўтказилади. Операциядан сўнг оғриқни қолдириш, яллиғланишни 
камайтириш, суякда кечаётган тикланиш жараёнларини рағбатлантириш учун 
физиотерапевтик муолажалар буюрилади. 
Ортопедик даволаш
–
операциядан сўнг 4-5 ҳафта ўтиб, тишнинг 
анатомик шакли қистирма ёки коронка билан тикланади.
 
Сут тишларни олиш техникаси 
Сут тишларни олишнинг бир қанча ўзига ҳос ҳусусиятлари бор. Cут 
тишларни олаётганда омбурнинг қисувчи қисми илдиз ўқи бўйлаб чуқур 
киритилмайди; олингандан сўнг тиш катакчаси (туби ва деворлари) кюретажи 
(қириб тозалаш) ўтказилмайди. 
Сут тишини олишга қарор қилингандан сўнг: а) оғриқсизлантириш усули 
вазиятдан келиб чиқиб танланади. б) беморнинг тинчлантирувчи дори 
воситаларига эҳтиёжи аниқланади. г) керакли асбоблар танлаб олинади. 
143 

---

Сут тишларни олиш операцияси қуйидаги босқичларга бўлинади; 
– 
тиш атрофидаги айланма боғлам ажратилади;
– 
омбурни сут тиши экваторидан ўтказиб солинади;
– 
сут тиш сиқиб ушланади; 
– 
тишни ярим айланма ва тебранувчи ҳаракатлар ёрдамида катакчада 
қўзғатилади; 
– 
тиш катакчадан оғиз даҳлизи томон силжитиб чиқариб олинади; 
–
тиш чиқариб олинганидан сўнг катакча устига тампон қўйиб, ён 
қирғоқлари (четлари) сиқиб яқинлаштирилади;
– 
катакчада қон қуйқаси шакллангунча ( 10-15 дақиқа) кузатилади. Шу 
вақт ичида бола тампонни чайнамаслиги ёки ютиб юбормаслиги, нафас йўлига 
кетиб (аспирация) қилинмаслиги назорат қилинади; 
– 
ота-оналарга тавсиялар берилади.