Оғиз бўшлиғи аъзолари ва юз-жағ соҳалари тўқималарини

Папион - Лефевр синдроми
: кафт ва товонда тери қалинлашиши, сут ва 
доимий тишлар атрофида парадонтит, гингивит кечиши, альвеоляр ўсиқ 
атрофияга учраб тишлар тушиб кетиши билан ҳарактерланади. 
Юз ва жағларнинг нотипик туғма нуқсонлари 
Ван-дер-Вуд синдроми:
наслдан-наслга аутосом- доминант типда ўтади. 
Одатда, юқори лаб ва танглайнинг туғма икки томонлама кесиб ўтувчи нуқсони 
бўлган болаларда учрайди. Белгиси: пастки лабнинг қизил хошиясида симметрик 
равишда жойлашган, варонка шаклида оқма йўллар бўлиб, лаб ичига (1- 1,5 см 
чуқурликкача) тортилган бўлади. Даволаш усули – одатда, уранопластика 
операцияси вақтида оқма йўлни кесиб олишдан иборат. 
369 

---

Айрим туғма нуқсонлар шифоркорлар амалиётида камдан-кам учрайди. 
Масалан, пастки лаб ва пастки жағнинг марказий (ўрта қисми) кемтиги шулар 
жумласидандир. 
Шунингдек, кам учрайдиган туғма нуқсонларга юз калабомалари 
киради.Юз калабомалари – юз юмшоқ тўқималари ва суякларининг трансверзал 
(кўндаланг) ва сагиттал текисликлар бўйича бир ёки иккала томонда 
бирикмаслиги. Бирикмаган тўқималар, 
қисман гипоплазия ва атрофияга учрайди. 
Даволаш усули – жарроҳлик аралашуви 
ўтказилади.
Калабомалар юзнинг бир ёки 
иккала томонида учраши мумкин. 
370 

---

371 

---

Расм. Юзнинг ўрта зонасида камдан- кам учрайдиган аномалияларига: буруннинг ўртасидан 
ўтувчи яширин нуқсон, гипертелоризм (а,б); кўз тешиклари атрезияси ҳамда юқори лаб ва юқори 
жағнинг сагиттал туғма нуқсони (в) ва шу кабилар киради. 
Пьер –Робин синдроми:
наслга боғлиқлиги аниқланмаган. Белгилари – 
пастки жағ суяги ривожланишда ортда қолади (микрогнатия). Танглай нуқсони, 
тил ҳаракатлари сустлиги (глосоптоз) кузатилади. 
Бу синдром билан туғилган болаларнинг 30%ида юрак, кўз, қулоқ супраси, 
скелет туғма нуқсонлари бўлиши мумкин. Чақалоқ яхши нафас ололмайди. 
Пастки жағ кичик бўлганлиги учун тил оғиз тубига ёпишиб орқага кетиб қолади 
(дислокация). Шу сабабли, бола ухлаётганида асфиксия ҳолати юзага келиши 
мумкин. Тил орқага кетмаслиги учун бола қоринга ётқизилади. Нафас олиш 
кескин қийинлашса, тилдан лигатура ўтказилиб, энгакости, жағости тўқималарига 
тортиб тикиб қўйилади. Биринчи кунларда чақалоқ эма олмаса, ошқозон зонди 
ёрдамида овқатлантирилади. Мувофиқ парвариш йўлга қўйилса, чақалоқ шу 
ҳолатга мослашган ҳолда ўсади. Пастки жағ тилнинг босими остида аста чўзилиб, 
олд томонга силжийди.