Оғиз бўшлиғи аъзолари ва юз-жағ соҳалари тўқималарини

Биринчи даражали
куйишда терини намловчи ланолинли крем, 2% борли 
вазелин, преднизолон ёки бошқа кортикостероид малҳамлар сурилади. 
Иккинчи даражали 
куйишда ёрилмаган пуфакчаларга тегилмайди, фақат 
тўлиб, таранг бўлиб турган пуфакча тагидан тешиб, суюқлик чиқарилади, 
устидаги пўсти ярага ёпиштириб қўйилади. Антисептиклар (фурацилин, 
хлоргексидин, диоксидин, йодопирон ва бошқалар) билан ишлов берилади. 
Яранинг биринчи босқич даврида экссудатни ўзига тортувчи
малҳамлардан “Левомеколь”, Невосин, 10% стрептомицин эмульсияси, иккинчи 
босқичда ярани тозаловчи ферментлар (трипсин, химотрипсин, ируксол ва 
бошқалар)дан фойдаланилади. Гелли сорбентлар “Гелевин”, “Дебризол”, 
“Целосорб” малҳамлари юз соҳасидаги ярага сутка давомида 2-4 марта суртилади, 
302 

---

натижада яра қуриб, усти жигарранг қўтир билан қопланади ва кейинчалик ўзи 
тушиб кетади. 
Куйишнинг III А даражаси, яранинг биринчи босқичида гиперосмомоляр, 
таркибда полиэтилен оксид ва проксонал бўлган “Диоксидиновая”, “Левосин”, 
“Левомеколь” малҳамлари ишлатилади. 7-8 кунга келиб, куйган соҳа демаркацион 
ҳалқа билан ажралади. Шу вақтда болаларда некроэктомия ўтказиш мумкин, 
қайта некроэктомия 9-10 чи суткада ўтказилади. Шундан сўнг яранинг 
тозаланиши тезлашиб, ярага тери ўтказишга тайёргарлик кўрилади. Ярада 
грануляцион тўқима ҳосил бўлганидан сўнг, у маҳаллий тўқималар билан 
озиқлантирувчи асосда ёки тери эркин кўчирилиб ёпилади. Бугунги кунда 
биотехнологик усулларнинг ривожланиши туфайли ярани сунъий шароитда кўп 
қатламли аутологик кератиноцидлар, фибробластлар билан тиклаш мумкин. 
Кимёвий куйишда, жароҳат юзасига ишлов бериш учун, аввало, 
куйдирувчи моддани нейтралловчи эритма (суюқлик)лар ишлатилади. Куйиш 
кислота ёки оғир металлар таъсирида юзага келган бўлса 5 % сода эритмаси, 
ишқордан куйган бўлса –лимон ёки борат кислотанинг кучсиз эритмаси (1 стакан 
сувга 1 чой қошиқ эритиб), KMnO
4
ёки оҳакдан куйганда – глюкоза эритмаси 
аппликация қилинади. Яра тозаланиб, битаётганда эластопротектор малҳамлар – 
контрактубекс, ворен, цепан билан ишлов берилади. Физиотерапевтик 
муолажалар: лидаза электрофорези, гидрокортизон фонофорези, гелий–неон 
лазер билан нурлаш, парафин, озокеритли аппликациялар, массаж, миогимнастика 
ўтказилади. Юқорида келтирилган тадбирлар ўз вақтида ўтказилса гипертрофик 
ва келлоид чандиқлар ҳосил бўлишининг олди олинади, акс ҳолда оғиз, бурун 
тешиклари торайиши, қовоқлар ағдарилиб, тортишиб қолиши ва бошқа асоратлар 
юзага келади.