Оғиз бўшлиғи аъзолари ва юз-жағ соҳалари тўқималарини

Куйиш сепсиси деганда , 
юқорида келтирилган клиник белгиларнинг 
янада оғирлашиши тушунилади ва бунда тезкорлик билан жиддий, юқори 
самарали ёрдам кўрсатилмаса, мазкур ҳолат ўлим билан тугаши мумкин. 
 
Куйишни даволаш 
Термик куйишда кўрсатиладиган биринчи ва шошилинч ёрдам 
қуйидагилардан иборат: 
1.
Болани зудлик билан ёнғин зонасидан олиб чиқиб кетиш. 
2.
Нафас йўлларини тозалаб ҳаво ўтишини таъминлаш (оғиз бўшлиғини 
қусуқ ва шиллиқдан тозалаш, тилни тортиб чиқариш). 
3.
Куйган соҳаларни “совутиш”, ҳўл матолар ёпиш, бостириш, совуқ сув 
қуйиш, яхлаган нарсаларни куйган соҳага қўйиш. Имконият бўлмаса, очиқ 
қолдириб, ҳаво таъсирида шароит яратиш совутишга. Кучли оғриқда 
аналгетиклар, наркотик аналгетиклар юборилиши лозим. Куйган соҳага 
антисептик боғлам қўйиб, (очиқ ҳолатда) транспортировка қилиш зарур. 
301 

---

4.
Куйган болани дарҳол ихтисослашган бўлим (камбустология)га 
ётқизиш мақсадга мувофиқдир. 
Касалхонага ётқизилган болага куйиш сатҳи 10% ни, уч ёшгача болаларда–
5% ни ташкил этса қуйидаги, шокка қарши даволаш чораларини кўриш зарур. 
1.
Намланган кислород оқимидан нафас олишни таъминлаш. 
2.
Вена ичига томчилаб (1 кг массага 10 мл суюқлик) 20% глюкоза, 5% 
аскорбин кислотаси, тиамин, корглюкон ёки строфантин эритмалари юборилади. 
3.
Оғриқсизлантирувчи ва бошқа дорилардан 25% аналгин, 1%ли 
димедрол, 2,5% пипольфен эритмалари, нейролептиклар (дроперидол 0,5 мл 1кг 
массага) қуйилади. 
4.
Витаминлар (В,С гуруҳ) 
5.
Таъсир доираси кенг антибиотиклар. 
6.
Ишқорли сув ва парҳез (ичакда яхши ҳазм бўлиб, газ тўпламайдиган) 
таомлар билан таъминлаш. 
Куйган болалар камбустолог томонидан даволанади. 
Юз соҳаси куйганда, одатда, барча яралар очиқ даволанади. Ярага ишлов 
бериш болаларда премедикация ёки маҳаллий оғриқсизлантириш остида 
ўтказилади.