Оғиз бўшлиғи аъзолари ва юз-жағ соҳалари тўқималарини

 
Лимфогранулематоз (limphogranylomatosis) 
Лимфогранулематоз
– 
тизимга тааллуқли касаллик бўлиб, лимфатик 
тугунлар ретикуляр асосининг зарарланиши билан кечади. Бу касаллик барча 
ёшдаги одамлар (болалар ва ёши катталар)да учрайди. Адабиётларда бир неча 
214 

---

номлар билан юритилади –“лимфоаденома”, “ҳавфли лимфома”, “ҳавфли 
гранулема”, “лимфогранулема”, “Ходжскин касали” ва “лимфогранулематоз”. 
Юқумли касалликлар ҳамда уларнинг оқибатида организмдаги ўзгаришлар 
ва ўсмалар лимфогранулематоз ривожланишига сабаб бўлади. 
Шикоятлар: 
болалар ёки уларнинг ота-оналари бўйин ва жағ ости 
соҳаларда оғриқсиз без пайдо бўлганига шикоят қиладилар. Касаллик узоқ давом 
этганда беморлар умумий ҳолсизлик, тана ҳароратини кўтарилиши, иштаҳа ва 
уйқу бузилишига шикоят қиладилар. 
Клиник белгилари: 
буйинтуруқ вена (v.yugularis) йўналиши бўйича бир 
нечта без катталашади, оғримайди, эластик консистенцияга эга бўлиб, бир-бири 
билан ўзаро ва атрофидаги тўқималар билан бирикиб кетмайди. 
Лимфа тугунларида юзага келадиган морфологик ўзгаршилардан келиб 
чиққан ҳолда, касалликни ривожлинишида қуйидага уч босқич фарқланади: 
 
1 босқич
– 
лимфатик без диффуз гиперплазияга учрайди. Без ўз 
тузилишини йўқотади – четида ва оралиқдаги бўшлиқларда кўплаб нормал ва 
патологик ҳужайралар тўпланади. 
2 босқич
– 
полиморф ҳужайрали гранулёма ҳосил бўлиш босқичи.
Қон ва лимфа томирлардаги бириктирувчи тўқима ва ретикулар 
ҳужайралар диффуз ёки ўчоқли равишда ўсиши натижасида, без тўқимаси, 
ретикуляр, плазматик ва эозинофил ҳужайралар билан алмашади. Ретикуляр 
ҳужайралар ҳар хил ҳажм ва шаклни олади. Лимфогранулематозга хос бўлган 
катталашган бир нечта ядроли ҳужайраларни Березовский ва Штернберг 
томонидан кузатилган.