Оғиз бўшлиғи аъзолари ва юз-жағ соҳалари тўқималарини

Сурункали ноодонтоген лимфаденит 
Сурункали ноодонтоген лимфаденит кўпроқ 5-6 ёшли болаларда 
гиперпластик ва йирингли шаклларда учрайди. 
Шикоятлар: 
бола ёки ота-оналар боланинг юқори нафас йўллари 
шамоллаганидан ангина, отит ва бошқа сабаблардан сўнг, бир ёки бир нечта 
катталашган без пайдо бўлганлиги ва қайта-қайта катталашганлиги ҳамда шу 
даврларда тана ҳароратини кўтарилганига шикоят қиладилар. 
Клиник манзара:
сурункали гиперпластик лимфаденит, анатомик 
соҳалардан бирида, бир ёки бир нечта консистенцияси ҳамирсимон, юмшоқ ёки 
209 

---

зич эластик бўлган, чегараси аниқ, бироз силжийдиган, тери билан ёпишмаган 
думалоқ ёки овал шаклдаги шиш сифатида намоён бўлади. Болани деярли безовта 
қилмайди. Инфекция ўчоғидаги ҳуруж безнининг янада катталашиши ва унда 
оғриқ пайдо бўлишига сабаб бўлади. Без паренхимаси эриб юмшайди, устидаги 
тери қизаради. Пальпация қилинганда капсула ичида тўпланган йиринг 
билқиллайди. 
Ташҳислаш:
лимфаденитни ҳар хил турларини ташҳислашда 
қийинчиликлар вужудга келади. Уларни фарқлашда УТТ, тепловизиография, қон 
кўрсаткичларни таҳлили хулосалари аҳамият касб этади. 
Йирингли лимфаденит УТТ мониторда анэхоген бўлади – лимфа бези эриб 
кетганлигини билдиради.
Термография – натижаларига кўра симметрик соғлом томонга нисбатан 
зарарланган томонда ҳарорат 1,4 градус юқори бўлса зардобли яллиғланишдан 
далолат беради. Ҳарорат фарқи 1,6 градусдан 2,6 градусгача бўлса йирингли 
жараён кечаётганини билдиради. Қонда нейтрофилларни лимфоцитларга нисбати, 
зардобли шаклда йиринглига нисбатан 2 марта паст, лимфоцитлар моноцитларга 
нисбати 1,5-2 марта юқори бўлади. 
Қиёсий ташҳис:
сурункали лимфаденитни лимфагранулематоз, 
лимфолейкоз, атерома, эпидермоид липома, дермоид ва бўйин кисталари, ҳавфли 
ўсма ва уларнинг метастазлардан фарқлаш лозим.