Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

VIII - боб. Ускуналарни тозалаш, ичини кўздан кечириш, тафтиш этишдаги саноат хавфсизлиги талаблари


1 - §. Аппаратлар, резервуарлар ва ускуналарни тозалашга
ва ички кўрикдан ўтказишга тайёрлаш

481. 
     Ичини текшириш ва тозалаш учун очишга мулжалланган аппарат, резервуар ва ускуналар иши тўхтатилиши, маҳсулотдан бўшатилиши ва ишлаётган аппаратлардан ёпкич (тиқин)лар билан тўсилиши, буғланиши ёки инерт газ билан дамланиши ва шамоллатилиши лозим.
     

Буғлаш, инерт гази билан пуфлаш, сув билан ювиш зарурати, шамоллатиш вақтлари тегишли ишлаб чиқариш йўриқномаларида белгиланади.

482. 
     Очилиши керак бўлган аппарат, резервуар ва ускуналар билан боғланган қувурўтказгичлар тиқинлар билан беркитилиб махсус журналда улар ўрнатилган ва ечиб олинган вақти белгиланиши керак.
     
483. 
     Аппарат, резервуар ва ускуналарни текшириш ва тозалашга тайёрлаганда, нефт маҳсулотларини канализацияга ташлаш тақиқланади,
     
484. 
     Аппарат, резервуар ва ускуналар ичини текшириш ва тозалаш, газдан хавфли ишларни хавфсиз ўтказишни ташкил этиш талаблариги асосан бажарилиши лозим.
     
485. 
     Очиқ люкларнинг қопқоқлари гайкалар билан маҳкамланган икки болт (шпилка) ёрдамида люкларга бириктирилиши лозим.
     
486. 
     Очишга тайёргарлик кўриш тадбирлари (буғлаш, ювиш ва шамоллатиш) якунидан сўнг резервуар ёки аппарат ичидаги ҳавода углеводород ва кислород миқдори таҳлили ўтказилиб, натижалари рухсатнома-нарядга ёзилиши лозим.
     
487. 
     Сузувчи томли ёки понтонли резервуарлардан таҳлил учун ҳаво намунасини резервуарнинг пастки қисмидан-понтон тагидан, ҳамда тепа қисмидан-понтон тепасидан олиш лозим.
     
488. 
     Аппаратда ҳаво оқимини вужудга келтирмаслик учун, ундаги люкларни тепадан бошлаб пастга қараб очиш лозим.
     
489. 
     Тайёрлаш жараёнида исиган резервуар ва аппаратларнинг ичига одамларни туширишдан аввал, 30 ⁰С дан паст ҳароратгача совутиш керак. 30 – 50 ⁰С (ундан юқори эмас) ҳароратида ишлаш зарурати бўлса, қўшимча хавфсизлик чоралари (тоза ҳаво билан узлуксиз пуфлаш, асбест кийимлардан фойдаланиш, иссиқ ўтказмайдиган оёқ кийим кийиш, ишда кўп танаффуслар ўтказиш ва ҳ.к.) ишлаб чиқилади.
     
490. 
     Тозаналаётган резервуар ва аппаратлар ичидан чиққан ифлосликлар, қаттиқ ётқизиқларни тепадан пастга ташлаш ТАҚИҚЛАНАДИ.
     

Бу мақсадлар учун кичик механизация мосламалари қўлланиши лозим.

491. 
     Компрессор ва насос ускунасини тўхтатиш, тафтиш ва текшириш ишларини уларни ясалган заводлар берган йўриқномага асосан амалга ошириш лозим.