Объектларига тегишли газни қайта ишлаш заводлари ва ишлаб чиқаришлари, табиий ва неффт газиги қайта ишлаш, олтангугурт олиш, г

III - боб. Саноат хавфсизлигига оид умумий талаблар


1 - §. Ходимларга бўлган талаблар

117. 
     ГҚИЗ ва К хавфли ишлаб чиқариш объектларида мустақил ишлашга, тиббий кўрикдан ўтган ва мазкур ишга тиббий жиҳатдан лойиқ бўлган, ҳимоялаш воситаларини қўллаш қоидаларини билган ва шикастланганларга тиббий ёрдам кўрсатаоладиган, белгиланган меъерда сабоқ олган, иш жойида амалиёт ўтган ва ўрнатилган тартибда мустақил ишлашга рухсат олиш учун имтиҳон топширган шахслар тайинланади.
     
118. 
     Ходимларни ўқитиш, йўл-йўриқ бериш, билимини текшириш ва мустақил ишга қўйиш, мазкур қоидалар ва бошқа амалдаги норматив-техник ҳужжатлар талабларига мос бўлиши керак.
     
119. 
     Саноат хавфсизлиги ва меҳнат муҳофазасига оид билимларни текшириш қуйидаги муддатларда ўтказилади:
     

1. 
   ишчилар учун – ҳар йили;
   
2. 
   раҳбар ходимлар ва мутахассислар учун – ҳар уч йилда камида бир марта .
   

Билимларни навбатдан ташқари текшириш амалдаги хавфсизлик меъёр ва қоидалар ўзгарганда, янги ускуна ва технологиялар татбиқ этилганда, ҳамда Давлат назорат органлари ва юқори ташкилотлар буйруқларига асосан ўтказилиши керак.

120. 
     Меҳнатни ташкил қилишда касблар ўриндошлиги назарда тутилган ташкилотларнинг умумлашган бригадалар ишчилари тегишли малакага эга бўлишлари, ҳамда асосий ва ўриндошлик касблари бўйича мустақил ишлаш рухсатномасига эга бўлишлари керак.
     
121. 
     ГҚИЗ ва К ҳудудига ишларни бажариш учун бошқа ташкилотлардан келган ишчилар, белгиланган тартибда кириш йўл-йўриғини олишлари зарур. Ташқи корхоналардан келган раҳбар ходимлар ва мутахассислар учун иш жойидаги йўл-йўриқни объект раҳбари бериши лозим. Ташқи ташкилотлардан келган ишчилар ГҚИЗ ва К ҳудудидаги ишларни ўз ташкилотларининг жавобгар шахслари раҳбарлигида бажаришлари лозим.
     
122. 
     ГҚИЗ ва К раҳбарияти «Саноатконтехназорат» Давлат инспекцияси ҳудудий органи билан келишилган дастурларга асосан саноат хавфсизлиги ва меҳнат муҳофазаси бўйича ходимни даврий қайта ўқитилишини таъминлаши лозим.
     
123. 
     ГҚИЗ ва Кда содир бўлган бахтсиз ҳодисалар Ўзбекистан Республикаси Вазирлар Маҳкамасининг 1997 йил 6 июндаги 286-сонли қарори билан тасдиқланган «Ишлаб чиқаришдаги бахтсиз ҳодисаларни ва ходимлар саломатлигининг бошқа хил зарарланишини текшириш ва ҳисобга олиш тўғрисида”ги низомда белгиланган тартибга асосан текширилади ва ҳисобга олинади.