O `zbеkiston rеspublikasi xalq ta'limi vazirligi

ЎЗБЕКИСТОН РЕСПУБЛИКАСИ
ОЛИЙ ВА ЎРТА МАХСУС ТАЪЛИМ ВАЗИРЛИГИ






И Ж Т И М О И Й П Е Д А Г О Г И К А

фани дастури

Билим соҳаси: 100000 – таълим
Таълим соҳаси: 140000 - Ўқитувчилар тайёрлаш
ва педагогика фани


Бакалавриат йўналиши:

Тошкент – 2008 йил

Мазкур фан дастури бакалавриат йўналишлари таълими учун мўлжалланган бўлиб, талабаларнинг умум педагогик билим даражасини кенгайтириш билан бирга, уларни жамиятдаги турли муносабатларни, маънавий факторларни текшириш, шунингдек, мазкур фаннинг объекти, предмети, унинг бошқа фанлар билан алоқадорлиги, категориялари, ижтимоий педагог касбининг специфик хусусиятлари каби муаммоларни тахлил қилиш ва турли ёшдаги болалар билан қитувчининг ишлаши юзасидан изланишлар, қоидалар ва методикасига оид дастлабки билимлар, кўникма ва малакалар беришни белгилаб беради.

Шунингдек:
- ижтимоий муҳит ва шахснинг ижтимоийлашувига доир қонуниятлар;
- социология оламида педагогик таълим ва тарбия муаммоларини таҳлил этиш;
- таълим тизимининг ижтимоий структураси;
- идеал ва шахсий ҳаракатлар масалаларини социологик таҳлил этиш тўғрисида бошланғич маълумотлар беришни назарда тутади.

Тузувчилар: Педагогика фанлари доктори, профессор

Р.А. Мавлонова.

Педагогика фанлари номзоди, доцент

Д. Абдураҳимова

Тақризчилар: Жахон тиллари университетининг педагогика - психология кафедраси профессори, педагогика фанлари доктори С.Х. Файзулина

Низомий номли ТДПУ «Умумий педагогика» кафедрасининг, доценти педагогика фанлари номзоди Г.Султанова
Дастур Низомий номидаги Тошкент Давлат педагогика университети қошидаги «Таълим» ўқув – методик бирлашмасида кўриб чиқилган ва тавсия қилинган.
2008 йил «___» _______даги ____сонли мажлис баёни.

Олий ва ўрта махсус касб - ҳунар таълими ўқув- методик бирлашмалар фаолиятини мувофиқлаштирувчи кенгашнинг

2008 йил «___» _______даги ____сонли қайдномаси билан тасдиққа тавсия этилган.

1. 
   КИРИШ.
   

1.1. Ижтимоий педагогика фани педагогика университети ва институтларининг бошланғич таълим ва дефектология факультетининг ўқув режасига киритилган бўлиб, мутахассислик ўқув предмети сифатида ўқитиш кўзда тутилган.
Ижтимоий педагогика юзасидан тузилган мазкур дастур бўйича ишлашдан мақсад бўлғуси бошланғич таълим Ўқитувчиларига, ёрдамчи мактаб ўқитувчиларига ижтимоий педагогика фани юзасидан билим бериш, талабаларнинг педагогика, ижтимоий педагогика фани бўйича саводхонлигини ошириш, такомиллаштиришдан иборатдир.
Ижтимоий педагогиканинг асосларини, методикаси, категорияларини пухта ўзлаштириш жараёнида педагогика институтларининг бошланғич таълим, дефектология факультетлари учун нашр этилган мавжуд дарслик, қўлланмалар материалларига ижодий ёндашиш талаб этилади.
1.2. Ижтимоий педагогика фанидан олиб бориладиган дарслар жараёнида талабаларнинг ижтимоий педагогика масалаларини таҳлил қилиш, категорияларини пухта эгаллашларига, мустақил ва ижодий ишлаш қобилиятларига мумкин қадар ривожлантиришга, илмий изланиш – тадқиқот ишлари малакаларини шакллантиришга ҳам эришиб бориш кўзда тутилган.
1.3. Ижтимоий педагогика фанининг чуқур ўрганиш учун фалсафа, тарих, педагогика, психология фанларидан хабардор бўлиш талаб этилади.
1.4. Ижтимоий педагогикани пухта ўрганиш мақсадида ўқитувчининг дарс жараёнида слайдлар, проектор, диапроекторлар каби замонавий технологик воситалардан моҳирона фойдаланиш мақсадга мувофиқдир. Техник воситалар талабаларга ўқитилаётган фаннинг моҳиятини чуқур англашга имкон беради, машғулотнинг қизиқарлироқ бўлишига ўтилган мавзуни эслаб қолишга, вақтни тежаб қолишга имкон беради.