Ноябрь 2020 10-қисм
Тошкент
PEDAGOGIKADA ZAMONAvIY TEXNOLOGIYALARDAN FOYDALANISH
Matrasulova Rahimajon Odambayevna
Urganch shahar 19-son IDUM boshlang‘ich sinf o‘qituvchisi
Tel: +998907381911 Email: matrasulovarohima@gmail.com
Annotatsiya:
Bu maqolada o‘quvchilarga zamonaviy texnologiyalar asosida ta’lim berishning
vositalari va yo‘nalishlari haqida aytib o‘tilgan.
Kalit so‘zlar
: kompyuter, innovatsiya, multimediya, axborot, dars, ta’lim.
Pedagogikada kompyuter o‘qitish vositasi sifatida boshqa texnika vositalariga qaraganda
aqliy faoliyatni boshqarish sohasida yangi imkoniyatlarni ochib beradi. Axborotni saqlash va
qayta ishlashni amalga oshiradigan yangidan yangi texnika vositalari paydo bo‘lib, ular maktab
ta’limini amalga oshirishda, o‘quvchilarni tegishli axborot olishga tayyorlashda maktab ishining
ajralmas qismi bo‘lib qolmoqda. O‘quvchilarni kompyuter bilan muloqotga kirishish ilmiga
o‘rgatish bilangina kifoyalanib qolmasdan, shu bilan birga ularni kino va televideniye tilini
tushunishga, bunday ommaviy axborot vositalaridan o‘zi uchun ham foydali ma’lumotlarni
ajratib ola bilish mahoratiga ham o‘rgatib borish kerak.
Dars jarayonida multimediya vositalari o‘qituvchi uchun birmuncha qulayliklar yaratadi.
O‘qituvchi tushuntiradi, o‘quvchi kuzatadi, bilimlarni an’anaviy idrok etadi, natijada o‘quv
ma’lumotlarining har bir o‘quvchi tomonidan o‘zlashtirilishi nazorat qilinadi. Test, nazorat
ishlari interfaol usulda tez va qulay usulda o‘tkaziladi. Dars uchun tarqatma materiallar tayyor
holda chop etiladi, turli pedagogik texnologiya metodlarini qo‘llash imkoniyati tug‘iladi. Dars
jarayonida multimediyadan foydalanish o‘quvchilar tomonidan fanlarning o‘zlashtirilishini
osonlashtiradi va quyidagi imkoniyatlarni yaratadi: fanga qiziqish uyg‘otish; o‘z bilimlarini
nazorat qilish va mustahkamlash; mavzuni o‘rganishda o‘quvchiga o‘zi uchun qulay bo‘lgan
tezlik va o‘zlashtirish darajasini ta’minlash. O‘quvchilarni zamonaviy axborot texnologiyalariga
jalb qilish, ularni egallash va unda doimiy ishlash ehtiyojini shakllantirish va h.k.
Hayotimizdagi ijtimoiy, iqtisodiy o‘zgarishlar yoshlarning har tomonlama yetuk shaxs bo‘lib
rivojlanishini taqozo etadi. Bu esa uzluksiz ta’limning asosi hisoblangan boshlang‘ich ta’lim
sohasiga katta mas’uliyat yuklaydi. Shuningdek, boshlang‘ich ta’lim jarayonida kompyuter
savodxonligining dastlabki elementlari va undan foydalanishning o‘ziga xos malakalarini hosil
qilish mumkin. Boshlang‘ich sinf o‘quvchilarining kompyuter savodxonligini oshirish bo‘yicha
darslar quyidagicha tashkil etilishi mumkin: birinchi darsda o‘quvchilar yangi fan bilan tanishadilar
va kompyuter haqidagi tasavvurlarini so‘zlab beradilar. O‘qituvchi chiroyli mashinaga rebusli
topshiriqlarni joylashtirishi mumkin. Masalan, matematika faniga oid quyidagi rebuslar “Tushib
qolgan raqamni toping”, deb nomlanadi va bunda yulduzchlar o‘rniga kerakli raqam qo‘yish
talab qilinadi. **+*6=36 *9-21=18 ***-11=89
Har bir rebusga kompyuter raqamlari yashiringan bo‘ladi. O‘quvchi rebusni yechadi va
o‘zining kompyuter raqamini bilib oladi. Shundan so‘ng, har bir o‘quvchi o‘z kompyuterida
mashq bajaradi.
“Kompyuter-oilam yordamchisi” mavzusidagi darsda o‘quvchilar qurilmaning jamiyatdagi
o‘rni, qo‘llanish sohalari bilan tanishadilar. O‘z fikrlarini bildiradilar. O‘quvchilar o‘z oilalari
haqida gapirishadi va kompyuterda “Oila daraxtini chizishadi. O‘quvchilar tuzgan “Oila
daraxti” ga qarab “Nima uchun kompyuter menga opam va akam, otam va onamga kerak?”
mavzusida hikoya tuzadilar. Hikoya mazmuniga alohida e’tibor qaratish kerakki, u har bir
o‘quvchida kompyuter faqat menga emas, balki har xil kasb egalariga yordamchi, shu qatori
oilam yordamchisi, degan tasavvurni shakllantirsin.
Shunday qilib, o‘quvchilarning kompyuter savodxonligini rivojlantirish orqali ularning
darslarga bo‘lgan qiziqishlarini oshirish, mustaqil fikrlash qobliyatini o‘stirish, aqlini charxlash
va mantiqiy fikrlashga o‘rgatish mumkin.
Foydalanilgan adabiyotlar
1. Yo‘ldoshev J.G‘., usmonov S.A., Pedagogik texnologiya asoslari.
2. Boshlang‘ich ta’lim jurnali. 2013-yil 6-7-son.
65
Do'stlaringiz bilan baham: |