Nókis qalalıq xalıq bilimlendiriw bólimine qaraslı

VII. Komissiya qararı ústinen arza beriw

Komissiyanıń qararı ústinen mápdar xızmetker yaki is beriwshi komissiya qararınıń nusxası tapsırılǵan kúnnen baslap on kúnlik múddet ishinde puqarolıq isler boyınsha rayon (qala) sudına arza beriwi múmkin.

Usı múddet sebepli jaǵdaylarǵa baylanıslı ótkizip jiberilgen jaǵdayda, ótkizip jiberilgen múddetti tiklew hám tartıstı mazmunı boyınsha kórip shıǵıwın sorap sudqa dawa arzasın kiritiw múmkin.
VIII. Kásiplik awqamınıń komissiya jumısına kómeklesiw boyınsha wazıypaları

Kásiplik awqamı aǵzası tartıs boyınsha kárxananıń baslanǵısh kásiplik awqamı komitetine múrájáát etken jaǵdayda, kásiplik awqam komiteti xızmetkerge is beriwshi menen múnásibaetlerinde kómeklesiwi, máselen, tartıstı hal etiwde qatnasıwı, xızmetkerge onıń huqıqları, buzılǵan huqıqların tiklew tártibi hám usılların túsindiriwi, komissiyaǵa múrájáát etiw menen baylanıslı hújjetlerdi rásmiylestiriwge kómeklesiwi lazım.

Zárúr hallarda kásiplik awqamı baslanǵısh shólkemi ámeliy járdem sorap, joqarı kásiplik awqamı organına múrájáát etiwi múmkin.

Kásiplik awqamı komiteti tárepinen wákillik berilgen, komissiya aǵzası esaplanbaǵan shaxs tartıstı kórip shıǵıw barısında xızmetker máplerin gózlep qatnasıwı múmkin.

Sondayaq, kásiplik awqamı komiteti aǵzaları miynet tartısın kórip shıǵıw barısında gúwa yaki qánige sıpatında tartılıwı múmkin.

Tartıslardı hal etiw barısında xızmetkerlerdniń miynet huqıqların qorǵaw maqsetinde kásiplik awqamı:

komissiya jumısın jolǵa qoyıwda baslama kórsetip, bárqulla kómeklesip baradı;

kárxanada komissiya jumısın tártiipke salıwǵa qaratılǵan Tartıs komissiyası nızamın qabıllaw boyınsha usınıslar islep shıǵadı;

kárxanada xızmetkerlerdiń bir neshe wákillik organı xızmet kórsetken hallarda, óz aǵzaları namzadın komissiya quramına usınıs etibp, miynet jámáátiniń ulıwma jyınalısı tárepinen tastıyıqlawǵa erisedi;

is beriwshi menen tartıslardı hal etiw boyınsha tikkeley sóylesiwler barısında xızmetkerler wákili sıpatında qatnasadı;

kásiplik awqamı aǵzasına komissiya yaki sudǵa arza kirgiziw, sondayaq, tartıstı kórip shıǵıw menen baylanıslı basqa materiallardı tayarlawda kómeklesedi;

komissiya jumısında óz wákilleri – komissiya aǵzaları arqalı qatnasadı;

komissiya qararların orınlawda kómeklesedi;

komissiya aǵzaları hám xızmetkerlerdiń miynet nızamshılıǵı boyınsha bilimlerin asırıw boyınsha oqıwlar shólkemlestiredi;

jámáátlik shártnamalarına komissiya aǵzaları ushın ámeldegi nızamshılıqta belgilengenine qaraǵanda qoshsımsha kepillikler kiritiliwine tiyisli is-ilajların kóredi.