Nókis qalalıq xalıq bilimlendiriw bólimine qaraslı

Miynet jámáátiniń ulıwma jıynalısında maqullanǵan 2021-jıl « 4 »-mart Protokol № 7

Nókis qalalıq xalıq bilimlendiriw bólimine qaraslı

39-sanlı ulıwma bilim beriw mektebiniń

2021-2023 jıllar ushın

JÁMÁÁTLIK SHÁRTNAMASÍ

Miynet jámáátiniń ulıwma jıynalısı qararına muwapıq jámáátlik shártnamasına qol qoyǵanlar:

Jumıs beriwshi: 39-sanıl ulıwma bilim beriw mektebi direktorı:	Kásiplik awqamı komiteti baslıǵı
__________ M.Allambergenov (qolı) (F.I.O) 2021-jıl «4»- mart	__________ M.Kurbanazarova (qolı) (F.I.O) 2021-jıl «4»- mart
Jámáátlik shártnamaǵa qol qoyıw waqtında tómendegi wákillerler qatnastı:
Jumıs beriwshi wákilleri: 1. Muxtar Rsaliev __________ (F.I.O) (qolı) 2. Ayzada Turekeeva __________ (F.I.O) (qolı) 3. G.Berdimuratova __________ (F.I.O) (qolı)	Xızmetkerler wákilleri: 1. Qundız Baljanova __________ (F.I.O) (qolı) 2. Rustem Elmuratov __________ (F.I.O) (qolı) 3. Aqıl Utepbergenov __________ (F.I.O) (qolı)

2021-jıl

1. 
   ULÍWMA QAǴÍYDALAR
   

1. Usı jámáátlik shártnama (keyingi orınlarda «Shártnama» dep júritiledi) Nókis qalalıq xalıq bilimlendiriw bólimine qaraslı 39-sanlı ulıwma bilim beriw mektebinde jumıs beriwshi menen xızmetkerler arasındaǵı miynetke baylanıslı, sociallıq-ekonomikalıq hám kásipke baylanıslı múnásibetlerdi tártipke salıwshı lokal normativ hújjet bolıp esaplanıp, Ózbekstan Respublikası Konstituciyası, Ózbekstan Respublikasınıń Miynet kodeksi, «Xalıqtı jumıs penen támiyinlew haqqında»ǵı, «Miynetti korǵaw haqqında»ǵı, «Kásiplik awkamları haqqında»ǵı, «Sociallıq sherikshilik haqqında»ǵı, «Bilimlendiriw haqqında»ǵı, “Mektepke shekemgi bilimlendiriw hám tárbiya haqqında”ǵı Nızamları, Kadrlar tayarlawdıӊ milliy dástúri hámde Ózbekstan Respublikası Ministrler Kabineti, Ózbekstan kásiplik awkamları Federaciyası Keńesi hám Ózbekstan Sawda-sanaat palatası arasındaǵı Bas Kelisimi, Ózbekstan bilimlendiriw hám ilim xızmetkerleri kásiplik awqamı Respublikalıq keńesi menen Ózbekstan Respublikası Xalıq bilimlendiriw ministrligi arasındaǵı 2021-2023 jıllarǵa Tarawlıq kelisimi hám basqa huqıqıy hámde normativ hújjetlerge tiykarlanıp jumıs beriwshi hám xızmetkerlerdiӊ huqıqıy, sociallıq-ekonomikalıq máplerin qorǵaw máselelerindegi birge islesiwi haqqında dúzilgen.

2. Usı Shártnamanıń'>Shártnamanıń tárepleri:

Jumıs beriwshi Nókis qalalıq xalıq bilimlendiriw bólimine qaraslı 39-sanlı ulıwma bilim beriw mektebi (keyingi tekste mektep) direktorı M.Allambergenov bir tárepte Xızmetkerler wákili Nókis qalalıq xalıq bilimlendiriw bólimine qaraslı 39-sanlı ulıwma bilim beriw mektebi kásiplik awqam komiteti (keyingi tekste kásiplik awqam komiteti) atınan baslıǵı M.Kurbanazarova-ekinshi tárepte bolıp esaplanadı.

3. Shártnama 2021-jıldan baslap óz kúshine kiredi hám 2023-jılǵa ámel etedi. Belgilengen múddet tamamlanǵannan soń, jámáátlik shártnama tárepler jańa shártnama dúzgenge shekem yamasa ámeldegi shártnamanı ózgertkenge shekem, tolıqtırǵanǵa shekem ámelde boladı.

4. Usı Shártnama Jumıs beriwshige hám Mekteptiń barlıq xızmetkerlerine, sonıń ishinde jámáátlik shártnama kúshke kirgennen keyin jumısqa qabıl etilgen xızmetkerlerge de, orınbasarlıq jumıs islewshilerge, mektepke biriktirilgen mámleketlik emes, kommerciyalıq emes mákeme xızmetkerlerine de tásir etedi.

5. Usı Shártnamada názerde tutılǵan jaǵdaylarda onıń ayırım qaǵıydaları tómendegilerge de tásir etedi:

• xızmetkerdiń shańaraq aǵzalarına;

• jasqa baylanıslı pensiyaǵa ketiwi múnásibeti menen miynet múnásibetleri jumıs beriwshi tárepinen biykar etilgen xızmetkerlerge;

• kásiplik awkam komitetiniń shtattaǵı xızmetkerlerine (eger bar bolsa);

• miynet wazıypaların orınlaw menen baylanıslı halda jaraqatlanıwı, kásip keselliklerine shalınıwı yamasa densawlıǵınıń basqa túrli jaraqat alıwı sebepli zıyan jetkiziliwi aqıbetinde jábirlengen burınǵı xızmetkerlerge;

• miynette mayıp bolıwı, kásip keselligi yamasa miynet wazıypaların orınlaw menen baylanıslı bolǵan halda den sawlıǵına basqasha túrde jaraqat alıwı sebepli nabıt bolǵan xızmetker qaramaǵında bolǵan hám jetkizilgen zıyan tólemin alıw huqıqına iye bolǵan miynetke qábiletsiz adamlarǵa;

• puxaralıq-huqıqıy túrdegi shártnamalar boyınsha jumıslardı bejerip atırǵan shaxslarǵa;

• kásiplik awkam aǵzalarına (kásiplik awqam byudjeti esabınan beriletuǵın qosımsha jeńillikler bóliminde).

6. Shártnamaǵa ózgeris hám qosımshalar kirgiziw táreplerdiń óz-ara razılıǵı menen Miynet kodeksinde onı dúziw ushın belgilengen tártipte ámelge asırıladı.

7. Miynet haqındaǵı nızamlar hám basqa normativ hújjetler mazmunına islengen isharalardıӊ barlıǵında olardıń usı Shártnamanı dúziw waqtındaǵı redakciyası názerde tutılǵan.

8. Jumıs beriwshi barlıq xızmetkerlerdi, sonıń ishinde jumısqa jańadan qabıl etilgen xızmetkerlerdi jámáátlik shártnama menen, sonday-aq kásiplik awqamı komiteti menen kelisip qabıl etilgen Mekteptiń basqa lokal hújjetleri menen tanıstırıw, jámáátlik shártnamanıń mazmunına hám orınlanıw shártlerine tiyisli maǵlıwmatlardıń áshkaralıǵın (májilisler, konferenciyalar, juwapker xızmetkerlerdiń esabatları, maǵlıwmat stendleri, tarawlıq baspalar hám taǵı basqalar arqalı) támiyinlew minnetlemesin óz moynına aladı.

9. Mektepke jumısqa jańadan kirgen xızmetker kásiplik awqam komitetinde dáslepki tanısıw sáwbetlesiwinen ótkiziw jolǵa qoyıladı.

10. Ózbekstan Respublikası Miynet kodeksiniӊ 9-statyasına muwapıq, kásiplik awqam organları miynet haqqındaǵı nızam hújjetleri hám miynetti qorǵaw qaǵıydalarınıӊ orınlanıwın tekseriw hám qadaǵalawdı ámelge asıradı. Kásiplik awkam wákilleriniń mektepke usı másele boyınsha jumıs alıp barıwı ushın tosqınlıq qılınbaydı.

11. Xalıqara Miynet Shólkeminiӊ “Mekteplerde miynetkeshler wákilleriniӊ huqıqların qorǵaw hám olarǵa beriletuǵın imkaniyatlar haqqında”ǵı 135-Konvenciyasına, sonday-aq Ózbekstan Respublikası Ádillik ministrliginde 1995-jıl 18-dekabrde 196-san menen dizimge alınǵan “Miynetti qorǵaw boyınsha wákil haqqında Nızam»nıӊ 12-statyasına muwapıq xızmetkerlerdiӊ tómendegi toparları usı shártnama maqsetlerinde Miynetkeshler wákilleri dep tán alınadı:

a) saylap qoyılatuǵın kásiplik awqam komiteti baslıǵı hám aǵzaları;

b) miynetti qorǵaw boyınsha wákil;

v) miynet dawları komissiyasınıӊ aǵzaları.

Xızmetkerlerdiӊ wákillik organları aǵzalarınıӊ miynet salasındaǵı qosımsha kepillikleri Ózbekstan Respublikası Miynet kodeksiniӊ 25-statyasına muwapıq belgilenedi.

12. Mektep pedagog - oqıtıwshıları hám xızmetkerlerdi attestaciyadan ótkiziw komissiyası quramına kásiplik awqam komiteti wákilin kirgizedi.

2.