Nókis qalalıq xalıq bilimlendiriw bólimine qaraslı

X. MÁDENIY-AǴARTÍWShÍLÍQ,

DENE TÁRBIYaSÍ HÁM SPORTTÍ ǴALABALASTÍRÍW, MIYNNETKEShLER HÁM OLARDÍŃ ShAŃARAQ AǴZALARÍN SAWALANDÍRÍW.
99. Mádeniy-aǵartıwshılıq jumısların jaqsılaw ushın tárepler tómendegilerdi óz moynına aladı:

- «Ruwxıylıq hám aǵartıwshılıq» xanasın shólkemlestirip, onı Ózbekstan kásiplik awqamları Federaciyası Keńesi hám Respublika Ruwxıylıq úgit-násiyat orayı usınısları tiykarında úskenelep, Ózbekstan Respublikası Prezidenti shıǵarmaları, Ǵárezsizlik jıllarında basıp shıǵarılǵan zamanagóy ádebiyatlar hám plakatlar, stendler hám texnikalıq qurallar menen támiyinlew;

- Mámleketlik baǵdarlamalardı orınlaw boyınsha miynetkeshler hám jaslar arasında ataqlı pán, ádebiyat hám kórkem-óner xızmetkerleri, ádebiyatshılar, islep shıǵarıw aldıńǵıları menen hár qıylı temadaǵı mazmunlı hám qızıqlı ushırasıwlar, ruwxıy-aǵartıwshılıq ilajlar shólkemlestiriw;

- “Kitpxumar” múyeshin shólkemlestiriw hám “Eń jaqsı kitapxumar” kórik-tańlawın ótkeriw;

- xızmetkerler ham olardıń shańaraq aǵzaları arasında kórkem háweskerlikti elede rawajlandırıwǵa hár tárepleme járdem kórsetiw, olardıń bos waqıtların mazmunlı ótkerip, Respublikanıń tariyxıy estelikler bar bolǵan áyyemgi qalalarına hám jergilikli orınlarǵa sayahatlar uyımlastırıw;

- Xoshametlew sıpatında mekteptiń byudjetinen tısqarı qarjıları esabınan óz xızmetkerleriniń keminde 10% shańarq aǵzaları menen birgelikte har jılı dem alıs kúnleri dem alıwǵa (ishki turizmge) jiberiwdi názerde tutatuǵın xızmetkerlerdiń jámáatlk hám shańaraq dem alısın shólkemlestiriw;

- Xıxmetkerlerge micnet nızamshılıǵına muwapıq olar ushın qolay bolǵań waqıtta sayaxatqa shıǵıwı hám dem alıwı ushın miynet dem alısınıń paydalanılmay qalǵan bólegi esabınan dem alıw kúnlerin beriw(otgul);

- ulıwma xalıqlıq bayramlardı, “Kasiplik awqám kúni”n nıshanlaw, bayram múnásibeti menen kásiplik sheberligi, sport hám kórkem háweskerlik boyınsha jarıs, tańlaw hám ilájlar uyımlastırıw.

- búgingi kúnde ámelge asırılıp atırǵan mámleketlik siyasatınıń ústin baǵdarları, keń kólemdegi reformalar mánisi, qabıl etilgen nızam hújjetleri hám mámleketlik baǵdarlamalardıń áhmiyetin tarmaq xızmetkerlerine hár tárepleme túsindiriw maqsetinde (hár ayda 1 ret) “Ruwxıylıq saatları”n ótkerip barıw.

100. Ózbekstan Respublikasınıń “Fizikalıq tárbiya hám sport haqqında”ǵı Nızamǵa muwapıq xızmetkerler hám olardıń shańaraq aǵzaları arasında salamat turmıs tárizin úgit-násyatlaw maqsetinde tárepler tómendegilerdi óz moyınına aladı:

- dene tarbiyası hám sport penen shuǵıllanıw ushın materiallıq hám basqa sharayatlar jaratıp beriw (arnawlı sport xanaların ajıratıw) hámde miynet jámáátinde islep shıǵarıw gimnastikasın hám sport minutların járiyalaw;

- jámáátlik shólkemler hám qorlardı tartqan halda, miynetkeshler hám olardıń shańaraq aǵzaların ǵalaba sportqa, túrli sport sekciyaları, dógereklerine tartıw hám olar arasında spartakiadalar, sport túrleri boyınsha jarıslar shólkemlestiriw;

texnologiya, islep shıǵarıw hám jumıs sharayatlarınan kelip shıǵıp, xızmetkerlerge “Xızmetkerler gimnastikası” shınıǵıwların bejeriw ushın hámde jumıs waqtına kirgizilgen “Sport minutları” ushın arnawlı tanepis belgilew;

salamat turmıs tárizi hám ǵalabalıq sporttı rawajlandırıw maqsetinde miynet jámáátlerinde xızmet islep atırǵan xızmetkerge “Sport jorıwshısı” qosımsha wazıypasın júklew hám onıń bazalıq lawazım aylıǵına 20% steme belgileqdi jolǵa qoyıw;

jumıs waqtınan soń tańlaǵan kúnlerinde (háptede keminde bir márte) basshı hám barlıq xızmetkerlerdi dene tárbiyası hám sportshınıǵıwları (júgiriw, stritbol, futbol, badminton, voleybol, basketbol, stol tennisi, júziw hám basqalar) menen shuǵıllanıwdı shólkemlestiriw;

mektepte hár shembi kúnin “Sport - salamatlıq kúni” dep járiyalaw hám Is beriwshi menen birlikte xızmetkerlerdiń sport penen shuǵıllanıwı ushın sharayatlar jaratıw boyınsha ilajlar belgilew, fizikalıq tárbiya jámáátlerin dúziw hám olar jumısın janlandırıw.