Nókis qalalıq xalıq bilimlendiriw bólimine qaraslı

III. Komissiyanıń jumısın shólkemlestiriw.

Komissiya wákilligine tiyisli máseleler onıń májilislerinde kórip shıǵıladı.

Komissiyanıń hár bir majilisinde baslıq wazıypasın is beriwshi hám xızmetkerler wákili náwbetpe náwbet atqaradı. Bunda bir májiliste baslıq hám xatker wazıypasın tek bir táreptiń wákilleri orınlawı múmkin emes.

Komissiyanıń hár bir májilisinde tárepler keyingi májilistiń baslıǵı hám xatkerin tayınlaydı, olarǵa májilis hújjetlerin tayarlaw hám shaqırıw wazıypasın júkleydi.

Májilistiń ótiwi ushın aǵzalardıń yarımınan kóbi (kvorum) qatnasıwı talap etilmeydi, is beriwshi hám xızmetkerler wákilleriniń teń muǵdardaǵı aǵzaları qatnasıwı jeterli esaplanadı.

Baslıq yaki xatkerdiń komissiya májilisinde qatnaspawı májilistiń qoldırılıwına tiykar bolmaydı. Bul halda táreplardiń kelisiwi menen májiliste qatnasıwshılar arasınan tiyisli náwbetke bola komissiya baslıq hám májilis xatkeri tayınlanadı.

Jámáátlik shártnamasına komissiya aǵzasın komissiya jumısında qatnasıwına sharayat jaratıw maqsetinde is haqı saqlanǵan halda tiykarǵı jumısınan azat etilgen waqıt ajıratıwı názerde tutıwshı qaǵıyda kirgiziliwi múmkin.