Nókis qalalıq xalıq bilimlendiriw bólimine qaraslı

VI. Komissiya qararın orınlaw

Miynet tartısları komissiyasınıń qararı usı qarar ústinen arza qılıw ushın belgilengen on kúnlik múddet ótkennen keyin úsh kún ishinde is beriwshi tárepinen orınlanıwı kerek.

Komissiyanıń nızamsız túrde basqa iske ótkizilgen xızmetkerdi dáslepki isine tiklew yaki xızmetkerge úsh aydan kúp bolmaǵan múddet ushın is-haqını tólew haqqındaǵı qararı dárhal orınlanıwı lazım.

Is beriwshi tárepinen qarardıń orınlanıwı keshiktirilgende, qarardı qabıllaǵan komissiya orınlaw keshiktirilgen barlıq waqıt ushın xızmetkerge ortasha is haqı tólew yaki is boyınsha parıqtı tolıq muǵdarda tólew boyınsha qarar shıǵaradı.

Eger is beriwshi belgilengen múddet ishinde komissiya qararın orınalmasa, komissiya tárepinen xızmetkerga orınlaw qaǵazı kúshine iye gúwahnama beriledi.

Gúwahnama komissiya baslıǵı tárepinen imzalanadı hám komissiya móri menen, komissiya móri bolmagǵan hallarda baslıq bolǵan tárep móri menen tastıyıqlanadı.

Ózbekstan Respublikasining “Sud hújjetleri hám basqa organlar hújjetlerin orınlaw haqqında”ǵı Nızamǵa muwapıq gúwahnama rásmiy orınlaw hújjeti esaplanadı hám májbúriy orınlaw ushın tiykar esaplanadı.

Orınlaw hújjetiniń tiykarǵı nusqası joǵalǵanda, nızam hújjetlerinde názerde tutılǵan tártipte beriletuǵın onıń dublikatı óndiriw ushın tiykar boladı.

Nızam talaplarına bola gúwahnamada tómendegiler kórsetiliwi lazim:

Komissiya (kárxana) atı;

Gúwahnama sanı hám onı beriwge tiykar bolǵan komissiya qararı (tártip sanı hám sánesi);

Xızmetker (dawager)diń familiyasi, atı, ákesiniń atı, is beriwshi (juwapker)diń tolıq atı hám mánzili;

Komissiya qararınıń kórsetpe beriwshi (qarar) bólimi;

Komissiya qararınıń kúshke kiriw sánesi;

Komissiya gúwahnamasi berilgen sáne hám onı orınlaw múddetleri.

Sud orınlawshısı komissiyanıń qararın májbúriy túrde orınlatıwı ushın xızmetker yaki mápdar shaxs komissiya tárepinen berilgen gúwahnamasın alǵan kúnnen baslap uzaǵı menen úsh ay ishinde rayon (qala) sudına tapsırıwı lazım.

Lekin, is beriwshi yaki xızmetker tartıstı kórip shıǵıw ushın sudqa ótkiziw boyınsha arza menen múrájáát etken taǵdirde gúwahnama berilmeydi.

Eger nızamsız túrde basqa iske ótkizilgen xızmetker komissiya tárepinen berilgen gúwahnama tiykarında komissiya qararın májbúriy túrde orınlaw boyınsha sudqa múrájáát etse, sudqa kirgizilgen dawa qararı orınlanıwı keshiktirilgenligi sebepli kelip shıqqan májbúriy progul waqıtı ushın xızmetkerge haqı óndiriw haqqında talap kórsetiliwi múmkin.