Nókis qalalıq xalıq bilimlendiriw bólimine qaraslı

V. Komissiyada tartıslardı kórip shıǵıw tártibi

Komissiya májilisi ótkiziletuǵın orın hám waqıt boyınsha xızmetker hám is beriwshi, sondayaq, tartıstı sheshiude qatnasıushı gúwalar hám qánigeler aldınan jazba túrde xabardar etiledi.

Komissiya miynet tartısın arza berilgen kúnnen baslap on kún múddet ishinde kórip shıǵıwı shárt.

Komissiya on kúnlik múddet ishinde miynet tartısın kórip shıqpasa yaki hal etpese, tárepler wákilleri, komissiya aǵzaları májiliste qatnasıwdan bas tartqan hallarda mápdar xızmetker usı tartıstı kóriwdi rayon (qala) sudına ótkiziwge haqılı.

Tartıs arza bergen xızmetkerdiń qatnasıwında kóriledi. Xızmetkerdiń qatnasıwısız tartıstı kórip shıǵıwǵa onıń jazba arzası bolǵanda ǵana jol qoyıladı. Eger xızmetker sebepsiz komissiya májilisine kelmese, sol arzanı kórip shıǵıw kún tártibinen alıp taslaw boyınsha qarar qabıllanıwı múmkin. Bul halat xızmetkerdi takirar arza menen múrájáát etiw huqıqnan ayırmaydı.

Xızmetker, onıń wákilleri miynet tartısın kórip shıǵıwda qatnasıw ushın advokat shaqırıw huqın iye.

Komissiya májiliske gúwalardı shaqırıw, qanigelerdi mirát etiw, is beriwshiden zárúr esap-kitaplar hám hújjetler tapsırıwın talap etiw huqına iye.

Komissiyanıń májilisinde bayannama júrgiziledi hám kórip shıǵılǵan másele boyınsha qarar qabıllanadı. Bayannama hám qarar komissiya baslıǵı hám xatkeri tárepinen imzalanadı.

Bayannamada tómendegiler sáwleleniwi lazım:

májilis ótkizilip atırǵan ornı hám sánesi;

kárxana atı hám komissiya quramı;

arza bergen xızmetkerdiń familiyası, atı, ákesiniń atı, lawazımı;

arza kelip túsken sáne hám tartıstıń mazmunı;

komissiya májilisinde qatnasıwshı shaxslar, sonıń ishinde táreplerdiń wákilleri, gúwalar hám qanigeler boyınsha maǵlıwmatlar;

tartıstı kórip shıǵıwda qatnasıwshı shaxslardıń arzaları, iltimasnamaları hám túsindiriwleri;

gúwalar kórsetpesi, qanigeler sheshimi hám talqılawı, jazba dáliyllerdi úyreniw nátiyjeleri;

komissiya qararınıń mazmunı hám onıń tiykarı (nızam hújjetleri, jámáátlik, miynet shártnamalarına tayanǵan halda);

komissiya qararınıńg mazmunı, qarar ústinen arza etiw tártibi hám múddetleri túsindirilgenligi boyınsha maǵlıwmat.

Komissiya is beriwshi hám xızmetkerler wákilleri arasındaǵı kelisimge muwapıq tartıs boyınsha xızmetker talabın qanaatlandırıw, bir bólimin qanaatlandırıw yaki qanaatlandırmaw boyınsha qarar qabıl qıladı.

Qarar dáliyller menen tastıyıqlanǵan hámde miynet haqqındaǵı nızamlar hám basqa normativ hújjetlerge, miynet shártnamasına tiykarlanǵan bolıwı kerek.

Eger komissiya kórip shıǵılǵan tartıs boyınsha xızmetkerdiń talaplarınıń bir bólimin qanaatlandırıw boyınsha sheshimge kelse, qararda xızmetkerdiń qanaatlandırılǵan hám qanaatlandırılmaǵan talapları, sondayaq, is beriwshi orınlawı lazim bolǵan háreketler anıq hám dál jazılıwı kerek.

Usınday pul óndiriw boyınsha tartıslar haqqında qarar qabıllaw barısında komissiyanıń qararında xızmetkerge tiyisli summa anıq kórsetiliwi lazım.

Eger tartıs boyınsha is beriwshi hám xızmetkerlar wákilleri arasındaǵı kelisimge erisilmese hám qarar qabıllanbasa, bul haqqında bayannamaga tiyisli jazıw kiritiledi.

Komissiya qararında tómendegiler kórsetiliwi lazım:

kárxana (bólim) atı, komissiyaǵa múrájáát etken xızmetkerdiń familiyasi, atı, atasınıń atı, lawazımı;

komissiyaǵa múrájáát qılınǵan hám tartıs kórip shıǵılǵan sáne;

tartıstıń mazmunı;

qabıllanǵan qarardıń mazmunı hám tiykarı (nızam hújjetleri, jámáátlik, miynet shártnamalarına súyengen halda);

májiliste qatnasqan komissiya aǵzaları familiyasi, atı, atasınıń atı;

kún tartibindegi másele boyınsha sheshim, yaǵnıy qanaatlandırıw, bir bólimin qanaatlandırıw, qanaatlandırmaw boyınsha qarar yaki kelisimge erisilmegenligi boyınsha maǵlıwmat.

Qarar májbúriy kúshke iye bolıp, biran bir túrde tastıyıqlanbaydı.

Qabıllanǵan qarardıń nusxası qabıllanǵan kúnnen baslap úsh kún ishinde xızmetkerge, is beriwshige hám xızmetkerler wákillerine tapsırıladı.