Nókis filialí «Programmalıq injiniring» baǵdarı

3-súwret. Ólshew usıllarınıń xarakteristikası.

Ólshenip atırģan shamanıń sanlı mánisi tuwrıdan-tuwrı, tuwrıdan-tuwrı emes, birlestiriw hám birgelikte ólshew túrleri járdeminde tabıladı.Labarotoriya ámeliyatında hám ilimiy tekseriwlerde birlestiriw hám birgelikte ólshew usıllarınan paydalanıladı.

Tuwrıdan-tuwrı ólshew dep, ólshenip atırģan shamanıń izlenip atırģan mánisin tájiriybe maģlıwmatlarınan tuwrıdan-tuwrı anıqlanıwına aytıladı.
Tuwrıdan-tuwrı emes ólshew dep, sonday ólshewge aytıladı, onda ólshew nátiyjesi ólshenip atırģan shama menen málim qatnas járdeminde baylanısqan shamalardı tuwrıdan-tuwrı ólshewge tiykarlanǵan boladı. Tuwrıdan-tuwrı emes ólshewde ólshenip atırģan shamanıń mánisi tómendegi teńlemeni sheshiw jolı menen tabıladı.


X =F(x_1.x_2.x_3……x_n) (1)


x_1.x_2.x_3……x_n- tuwrıdan-tuwrı ólshew menen alınģan shamalar mánisi. Máselen: R – rezistordıń qarsılıģı usı teńlemeden tabıladı.


R_x=U_x/ I_x (2)

Oģan rezistordaģı kernewdiń túsken mánisi hám rezistordan ótken toktıń mánisi qoyıladı.

Birlestirip ólshew birneshe shamalardı bir waqıtta ólshewden ibarat bolıp, onda izlengen shamalardıń bahaları tuwrıdan-tuwrı ólshewd epayda etilgenen teńlemeler sistemasınan tabıladı.
Birgelikte ólshew dep, bir waqıtta eki yáki birneshe túrli atlı shamalardı olardıń arasındaģı funkcional baylanıslardı, qatnastı tabıwshıģa alıp barılģan ólshewlerge aytıladı hám bunda teńlemeler sisteması sheshiledi.
F (x_1, x_2, x₃………,x_n^′ ,x₁^′,x₂^′ , x₃^′,…..x_m^′ )=0
F (x_1, x_2, x₃………,x_n^{′ ′} , x₁^{′ ′} ,x₂^{′ ′} , x₃^{′ ′},…..x_m^′′ )=0
F (x_1, x_2, x₃………,x_n , x₁⁽ⁿ⁾ ,x₂⁽ⁿ⁾ , x₃⁽ⁿ⁾,…..x_m⁽ⁿ⁾)=0 (3)
x_1,x_2,x₃,x_n–belgisiz shamalar
x₁^′ ,x₂^′ , x₃^′,x_m^′ ; x₁^{′ ′} ,x₂^{′ ′} , x₃^{′ ′} ,…..x_m^{′ ′} ; x₁⁽ⁿ⁾ ,x₂⁽ⁿ⁾ , x₃⁽ⁿ⁾,…..x_m⁽ⁿ⁾ – ólshengen shama mánisi.
Bárshe ólshewler analog-úzliksizhám úzlikli ólshewlerge bólinedi .
Analog-úzliksiz ólshewde ólshenip atırģan shamanıń mánisi úzliksiz túrde dizimge alınadı.
Úzlikli-diskret ólsheminde bolsa ólshewler nátiyjesi tek ayrım waqıt momentlerde dizimge alınadı.