Nókis filialí Kаypnazarov S. G., Maxambetova U., Dauletmuratova R

13-ámeliy shınıģıw. Ózbekistan Respublikasınıń “Ónimler hám xızmetlerdi sertifikatlastırıw haqqında”ģı nızamın úyreniw


Jumıstıń maqseti:
Ónimler hám xızmetlerdi sertifikatlastırıw haqqında”ģı nızamın úyreniw.
Bul Nızam Ózbekstan Respublikasında ónimler, xızmetler hám basqa ob’ektlerdi sonday-aq islep shıǵarıw processlerin, menejment sistemaların, muwapıqlıqtı bahalaw salasında xızmetkerler retinde qatnasıwǵa talaban qánigelerdi (tekstte endigiden “ónimler” dep júritiledi) sertifikatlastırıwdıń huqıqıy, ekonomikalıq hám shólkemlestirilgen tiykarların, sonıń menen birge sertifikatlastırıw qatnasiwshilerınıń huqıqları, minnetleri hám juwapkershiligin belgilep beredi. (Kirisıw. Ózbekstan Respublikasınıń 2014-jıl 11-dekabrdegi ÓRQ-381-sanlı Nızamı basıliminde — ÓR QHT, 2014-j., 50-san, 588-statya).


I BAP. ULÍWMA QAĞÍYDALAR


1-statya. Tiykarǵı túsinikler
Bul Nızamna tómendegi tiykarǵı túsinikler isletilip atır:
“sertifikatlastırıw milliy sisteması” — mámleket kóleminde ámel etetuǵın, sertifikatlastırıw ótkeriwde óz tártip hám basqarıw qaǵıydalarına iye bolǵan sistema;
“ónimlerdi sertifikatlastırıw” (tekstte endigiden “sertifikatlastırıw” dep júritıladi) — ónimlerdiń belgilengen talaplarǵa muwapıqlıǵın tastıyıqlawǵa tiyisli xızmet;
“muwapıqlıq sertifikatı” — sertifikatlanǵan ónimniń belgilengen talaplarǵa muwapıqlıǵın tastıyıqlaw ushın sertifikatlastırıw sisteması qaǵıydalarına qaray berilgen hújjet;
“muwapıqlıq belgisi” — belgili bir ónim yamasa xızmet anıq standartqa yamasa basqa normativ hújjetke tán ekenligin kórsetiw ushın ónimge yamasa kórsetilgen xızmetke tiyisli hújjetke qoyılatuǵın, belgilengen tártipte dizimge alınǵan belgi;
“ónimlerdi (islerdi, xızmetlerdi) sertifikatlastırıw sisteması” — áyne birdey standartlar hám qaǵıydalar qollanılatuǵın arnawlı bir ónimler, jumıslar yamasa xızmetlerge tiyisli sertifikatlastırıw sisteması ;
(1-statyanıń altınshı abzacı Ózbekstan Respublikasınıń 2014-jıl 11-dekabr degi ÓRQ-381-sanlı Nızamı basıliminde — ÓR QHT, 2014-j., 50-san, 588-statya)
“sapa boyınsha ekspert-auditor” — nızamshılıqta belgilengen tártipte attestaciyadan ótkerilgen, muwapıqlıqtı bahalaw salasındaǵı islerdi alıp barıw ushın tiyisli ilimiy tájriybege iye bolǵan qánige;
“sertifikatlastırıw boyınsha inspekciyaorganı” — nızamshılıqta belgilengen tártipte akkreditaciyalanģan, sertifikatlastırılǵan ónimler ústinen sertifikatlastırıw shólkemleriniń tapsırmasına kóre inspekciya qadaǵalawın ámelge asırıwshı yuridikalıq shaxs;
(1-statyanıń jetinshi hám segizinshi abzacları Ózbekstan Respublikasınıń 2021-jıl 21-apreldegi ÓRQ-683-sanlı Nızamı basıliminde — Nızamshılıq maǵlıwmatları milliy bazası, 21. 04. 2021-j., 03/21/683/0375-san)
“sertifikatlastırılǵan ónimler ústinen inspekciya qadaǵalawı” — sertifikatlastırılǵan ónimlerdiń sertifikatlastırıp atırģanda belgilengen talaplarǵa muwapıqlıǵın tastıyıqlaw maqsetinde ámelge asırılatuǵın sertifikatlastırılǵan ónimlerdi dáwirli tákirarlanatuǵın qayta bahalaw tártip-dástúri.
(1-statyanıń jetinshi — onınshı abzacları Ózbekstan Respublikasınıń 2014-jıl 11-dekabr degi ÓRQ-381-sanlı Nızamine tiykarlanıp jetinshi, segizinshi hám toǵizinshi abzaclarǵa almastırılǵan — ÓR QHT, 2014-j., 50-san, 588-statya )