Nizomiy nomidagi toshkent davlat pedogogika universiteti jismoniy tarbiya va sportda menejment hamda marketing

Fanning o`quv rejadagi boshqa fanlar bilan o`zaro bog`liqligi, uslubiy jihatidan uzviyligi

«Jismoniy tarbiya va sportda menejment hamda marketing» fani o`z mohiyatiga ko`ra mutaxassislik bo`yicha magistrlar tayyorlash o`quv rejasida ko`rsatilgan fanlar bilan uzviy bog`langan bo`lib, u magistrni kelajakdagi ta`lim jarayoniga tayyorlashga xizmat qiladi. Mazkur fan “Ilmiy tadqiqot metodologiyasi”, «Pedagogik texnologiya va pedagogik mahorat», “Jismoniy tarbiya va sport nazariyasi va metodologiyasi”, “Jismoniy tarbiya va sport faoliyatida ilmiy tadqiqot ishlarini tashkil qilish”, “Jismoniy rivojlanishni nazorat qilish va sport tibbiyoti”, “Mutaxassislik fanlarini o`qitish metodikasi” kabi fanlar bilan o`zaro bog`langan holda uzviy ketma-ketlikda olib boriladi.

Fanning ta`limdagi o`rni

Jismoniy madaniyat ta`lim tizimida “Kadrlar tayyorlash milliy dasturi” dan kelib chiqadigan vazifalar, fan, texnika va texnologik taraqqiyotining bugungi darajasi bilan bo`lajak Jismoniy madaniyat sohasidagi pedagoglarning kasbiy tayyorgarligi sifatini takomillashtirish, soha bo`yicha uzluksiz ta`lim tizimi bo`g`inlarini malakali kadrlar bilan ta`minlash, o`quv-tarbiyaviy jarayon sifatini xalqaro andozalar darajasiga ko`tarish, talimning yangi printsiplari uslublarini, ilg`or pedagogik va zamonaviy axborot texnologiyalarini keng joriy qilish, yoshlarni milliy tiklanish mafkurasi asosida tarbiyalash va umuminsoniy qadriyatlarni anglatish, Vatanga muhabbat, mustaqillik g`oyasiga sadoqat ruhida o`qitish va tarbiyalash, zamonaviy xorijiy o`quv markazlarida keyingi talim uchun sharoit yaratish, xorijiy mutaxassislar bilan raqobatdosh yuqori malakali jismoniy madaniyat bo`yicha kadrlar tayyorlash.

Fanni o`qitishda foydalaniladigan zamonaviy axborot va pedagogik texnologiyalar

«Jismoniy tarbiya va sportda menejment hamda marketing» fanini o`qitish jarayonida magistrlar faoliyatini tashkil etish bo`yicha ishning jamoaviy, guruhli, kichik guruhli va individual shakllaridan foydalaniladi. Mashg`ulotlarni olib borishda ma`ruza, hikoya, suhbat, tushuntirish, ko`rsatish, mashq qilish, amaliy ish bajarish, muammoli va mustaqil ish bajarish kabi uslublar qo`llaniladi. Interfaol uslublardan “Klaster”, “Echim daraxti”, “BBB”, “Blits uyin”, “Aqliy xujum”, “Muammoli vaziyat”, “Toifalar jadvali”, “Insert”, “Pinbord”, “Venna diagrammasi” shuningdek “Keys-stadi” kabilarni qo`llash tavsiya etiladi.